Төрийн байгуулалтын байнгын хорооны хурал өнөөдөр өглөө 09:30 цагт 89.5 хувийн ирцтэйгээр эхэлж, УИХ-ын даргыг огцруулах эсэх асуудлыг хэлэлцлээ.

Хуралдаанд гишүүдийн санал авч, үг хэлж дууссаны дараагаар Л.Оюун-Эрдэнэ нарын гишүүдийн өргөн барьсан УИХ-ын даргыг огцруулах тогтоолыг батлах санал хураалтыг нууцаар явуулав.

Ингээд Байнгын хорооны хуралдаанд оролцсон 17 гишүүний 8 нь УИХ-ын даргыг огцруулахыг дэмжиж, 8 нь дэмжихгүй гэсэн бол нэг гишүүн хоёуланг нь дугуйлснаар хүчингүй болжээ. Ингээд Байнгын хорооны тогтоолыг УИХ руу шилжүүлэхээр боллоо.

---