АНУ-ын Умард Каролина дахь Гүнгийн их сургуулийн дэд профессор Меган Нилид тэнхимийн хоёр гишүүн хятад оюутнуудын талаар гомдол гаргажээ. Хятад оюутнууд сургуулийн номын сан, зоогийн газар зэрэг олон нийтийн газар хятадаар хэт чанга ярьж тав тух алдагдуулж байгаа тухай гомдол гаргасан байна.

Биостатистикийн мастерын сургалтын хөтөлбөр хариуцсан захирал Меган Нили гомдлын мөрөөр тэнхимийнхээ хятад оюутнуудыг сургууль дотор байхдаа хятадаар ярилгүй, 100 хувь англиар ярихыг уриалан цахим зурвас илгээжээ. Өнгөрсөн амралтын өдрүүдэд профессорын бичсэн зурвас хятадын олон нийтийн цахим сүлжээгээр тархаж ихээхэн шүүмжлэл дагуулаад байна.

 

 

Мастерын төгсөлтийн хөтөлбөр хариуцсан профессор Нилиг арьс өнгөөр ялгаварлан гадуурхах үзэл гаргасан, оюутнуудыг ялгаварлаж харьцсан хэмээн цахим сүлжээнд шүүмжлэн гомдол гаргажээ. Гүнгийн сургуулийн удирдлага профессорыг төгсөлтийн хөтөлбөр хариуцсан сургалтын захирлын албан тушаалаас нь чөлөөлсөн байна.

Хятадаас ирсэн оюутнуудын яриагаар Меган Нили огт арьс өнгөөр ялгаварлан гадуурхдаггүй харин ч ази, хятад оюутнуудыг бүх талаар нь дэмжиж тусалдаг байсан гэж ярьжээ.

 

Эх сурвалж: www.bbc.com

---