Өнөө шөнө Баян-Өлгийн нутаг, маргааш өдөр Ховдын хойд, Говь-Алтайн нутгаар салхи секундэд 18-20 метр, зарим үед секундэд 24 метр хүрч ширүүснэ. Маргааш өдөр Завханы нутгаар цасан шуурга шуурах төлөвтэй байгааг цаг уурын байгууллагаас сэрэмжлүүлж байна.

Энэ сарын 28-нд баруун аймгуудын ихэнх нутаг, төвийн аймгуудын нутгийн хойд хэсгээр, 29-нд нутгийн зарим газраар бага зэргийн цас орж, цасан шуурга шуурч, ихэнх нутгаар хүйтрэхийг анхааруулж байна.

Улаанбаатар хотод ирэх лхагва гараг хүртэл хүйтний эрч чангарч өдөртөө 13-16 хэм хүйтэн, шөнөдөө 22-26 хэм хүйтэн хонох юм. Долоо хоногийн сүүлчээр хүйтний эрч багасах төлөвтэй байна.

 

---