Малайзын хаан тавдугаар Мухаммад таван жилийн турш эрх барих ёстой байсан ч орос эмэгтэйтэй гэрлэж, ердөө хоёр жилийн дараа буюу хаан ширээнээс татгалзаж байгаагаа мэдэгдсэн. Тус улсын түүхэнд тохиож байгаагүй гэнэтийн үйл явдлын дараа есөн мужийн төлөөлөгчид дараагийн хаанаа өргөмжилсөн байна.

Дараагийн хаан Пахан мужийн эрх баригч Султан Абдулла Ахмад Шах болжээ. Шинэ хаан энэ сарын 31-ний өдөр тангаргаа өргөж, төрийн хэмжээний ёслол хүндэтгэл үйлдэнэ. 88 настай Султан Ахмад Шахаас хойш түүний хүү Абдулла нь Пахан мужаас анх удаа султан хаанаар өргөмжлөгдөж байна.

Шинэ хаан спортын хорхойтон гэдгийг хэвлэлүүд мэдээлжээ. Одоогоор Дэлхийн хөлбөмбөгийн холбооны зөвлөлийн гишүүн ба Азийн хоккейн холбооны Ерөнхийлөгчөөр ажиллаж байна.

 

 

Малайз улсад 13 муж бий. Эдгээрийн дөрөв нь захирагчтай бол үлдсэн есөн муж хаант засаглалтай. Мужийн эрх баригчдын хурлаар 59 настай Султан Абдуллаг ирэх таван жилд хаан ширээнд суухаар сонгосон юм. Султануудыг муж бүрээс ээлжлэн сонгодог уламжлалтай.

 

 

Эх сурвалж: www.cnn.com

---