Цагдаагийн байгууллагаас олон нийтийн аюулгүй байдлыг хангах, гарч болзошгүй гэмт хэрэг, зөрчлөөс урьдчилан сэргийлэх зорилгоор “Сар шинэ 2019” нэгдсэн арга хэмжээг зохион байгуулж байгаа.

Энэ хүрээнд Тээврийн цагдаагийн албаны бие бүрэлдэхүүн гэмт хэрэгт сэрдэгдсэн 71 этгээдийг эрэн сурвалжлан олж тогтоосон байна. Мөн ялагдагчаар татагдах нь тогтоогдоогүй 68 хэргийг илрүүлэн ажиллаж байгаа юм. Уг арга хэмжээний үеэр гарал үүслийн бичиггүй малын мах, түүхий эд тээвэрлэж байсан 131 зөрчлийг илрүүлэн харьяа газарт хүргүүлэн шалгаж байгаа гэнэ.

Түүнчлэн осол хэргийн шинжтэй 141 өргөдөл гомдлыг хүлээн авч үүнээс эзэн холбогдогч нь тогтоогдоогүй 18, осол хэргийн газрыг орхиж явсан 68 хэрэг бүртгэгджээ. Үүний 19 нь эзэн холбогдогч нь тогтоогдоогүй байна. Нийт эзэн холбогдогч нь тогтоогдоогүй 19 гэмт хэргийг тус хэлтсээс баримтжуулан шалгаж 17 хэргийн эзэн холбогдогчийг тогтоосон талаар Тээврийн цагдаагийн албаны Мөрдөн шалгах газрын Эрүүгийн цагдаагийн хэлтсийн дэд хурандаа Д.Чинбаатар дурдсан юм.

Иргэдийг өөрийн болон бусдын аюулгүй байдлын төлөө дүрмээ баримтлан хөдөлгөөнд оролцохыг зөвлөлөө. 

---