Үндэсний сурын спортоор гэр бүлээрээ хичээллэдэг харваачдын дунд “Гэр бүлийн аварга шалгаруулах харваа” тэмцээн уламжлал болон зохион байгуулагддаг билээ. Харваачдаас ихээхэн талархал хүлээдэг  уг тэмцээн ирэх баасан гаригт Багануур дүүрэгт болно. Энэ  жилийн тэмцээнийг Монгол улсын мэргэн П.Гарамжав, түүний үр хүүхэд болоод Багануур дүүргийн Үндэсний сурын харвааны холбооныхон зохион байгуулахаар болжээ. Сурын алтан зурхайд аваргын төлөө цэц мэргэн, авхаалж самбаагаа сорих шилдэг харваач гэр бүл шалгаруулах тэмцээнд Төв, Өмнөговь, Дорноговь, Хэнтий, Дорнод зэрэг аймгийн болоод Улаанбаатар хотоос нийтдээ 20 гаруй гэр бүл оролцоно.

 

---