Эдийн засгийн шинжээчид 2018 онд Хятадын эдийн засаг хэрхэн өссөнийг шинжилж дуусчээ. Хятад 1990 оноос хойш 30 орчим жилийн дотор эдийн засгийн хамгийн бага үзүүлэлттэй гарсан байна.

2018 онд тус улсын эдийн засаг 6,6 хувиар өсчээ. Үүнд Засгийн газраас зээлийн хэмжээг барих, АНУ-тай эхлүүлсэн худалдааны зөрчил нөлөөлсөн гэж үзэж байна.

Өнгөрсөн оны дөрөвдүгээр улиралд буюу 9-12 дугаар сард Хятадын эдийн засгийн өсөлт 6,4 хувьтай гарсан нь 2017 оны мөн үеийнхээс 0,1 хувиар буурсан үзүүлэлт юм.

Харин шинэ онд их гүрний эдийн засаг хэрхэн өөрчлөгдөх бол гэсэн асуултад шинжээчид зах зээлийн өсөлт буурсаар зургаан хувь руу дөхнө гэжээ.

Олон улсын ажиглагчдын бичсэнээр Бээжингийн зүгээс эдийн засгийн өсөлт удааширсанд төдийлөн ач холбогдол өгөхгүй байгаа тухай мэдээлжээ.

Хятадын эрх баригчид тоонд бус чанарт ач холбогдол өгч байна. Харин үүнд санаа зовох хүмүүс нь Хятадаас хамааралтай амьдарч буй бусад улс орнууд аж. Учир нь дэлхийн хамгийн том зах зээлтэй гүрнүүдийн нэгд эдийн засаг удааширснаар дэлхийн эдийн засаг удаашрах төлөвтэй гэж тайлбарлажээ.

 

 

Эх сурвалж: www.bbc.com

---