Монгол Улсын Ерөнхийлөгч Х.Баттулга энэ сарын 16-нд болсон прокурорын байгууллагын удирдах ажилтнуудын уулзалтанд очиж өмнөх жилүүдэд прокурорын байгууллагад өгсөн үүрэг, даалгаварын хэрэгжилтүүдийг сануулж энэ онд мөн хэд хэдэн асуудалд анхаарч ажиллахыг зөвлөсөн билээ.

Тухайлбал, Ерөнхийлөгч Х.Баттулга төрийн албыг 60 тэрбумаар наймаалцсан гэгдэж байгаа хэрэг, ЖДҮХС-ийн асуудал, Таван толгойн хөрөнгө оруулалтын гэрээтэй холбоотойгоор ерөнхийлөгч асан Ц.Элбэгдорж нарыг  шалгах зэрэг хэд хэдэн хүсэлтийг прокурорын байгуулагад өгсөн юм.

Ингэхдээ Ерөнхийлөгч асан Ц.Элбэгдоржийг шалгах хүсэлт бүхий 178 хуудас баримт, өргөдлийг Ерөнхий прокурор М.Энх-Амгаланд гардуулж өгсөн.

Тэгвэл түүний хүсэлтийн дагуу уг хэргийг Нийслэлийн Прокурорын газраас харьяаллын дагуу АТГ-т шилжүүлсэн талаар мэдээлэл гарч эхэллээ.

---