Улс үндэстэн бүрт өөрийн гэсэн өв соёлтой. Монголчууд одон орон судлал, зурхайн ухаанд эртнээс суралцаж, судалж байсныг гэрчлэх олон баримт бий. Тэр дундаа хүнийг төрсөн он сараар нь ямар хүн болох, ирээдүйд хэрхэхийг нь тодорхойлох боломжтой байдгийг олж тогтоож байжээ.

 

 

Хүн бүрийн хувь тавилангийн зам өөр өөр. Тиймээс төрсөн өдрөөр зан ааш, ирээдүйг нь тодорхойлж болдог байна. Төрсөн өдрийнхөө гарагийг олоод, өөрийнхөө тухай сонирхолтой зүйлсийг олж мэдээрэй. Уншигч та бүхэнд төрсөн гарагаар нь өөрийгөө сонжих сонирхолтой зурхайг хүргэе.  

 

Даваа гарагт төрөгсөд 

 

Эмэгтэйчүүд

Эелдэг зантай, мөрөөдөмтгий. Хүнийг анхааран халамжлахдаа сайн.Түүнд ганцаараа амьдарна гэдэг аймшигтай тул хэзээ ч ганцаардахыг хүсдэггүй. Өөрийнх нь ээж түүнд ямар халамж тавьдаг вэ, тийм л хайр халамж бусдаас нэхдэг. Хайр сэтгэлээ өгсөн хүн рүүгээ зүрх сэтгэл нь татагдаж, хамт амьдрахыг хүсэх бөгөөд хэзээ ч хүний дор орж дорой царайлахгүй.

Эрэгтэйчүүд

Хүмүүстэй гэрээ хийх, хэлэлцээ байгуулахдаа гаргууд. Тэрбээр өөрийг нь гэсэн халамж, хайр сэтгэлд дуртай. Ганцаардал бол түүний барж идэх хоол биш. Гадаад төрх нь ерөнхийдөө тайван харагддаг ч дотор сэтгэлдээ өөрийн ирээдүй болон авъяас чадвар, хайр сэтгэлийн талаар үргэлж санаа зовж санасан зүйлээ биелүүлэхийн төлөө шаргуу ажилладаг.

 

Мягмар гарагт төрөгсөд

 

Эмэгтэйчүүд

Үнэнч, алхам тутамдаа амьдралын туршлага хуримтлуулдаг. Найз нөхөдтэйгээ нийлэн инээж хөхрөх наргиж цэнгэх дуртай. Өөдрөг үзэлтэй, тэрбээр эрх чөлөөг эрхэмлэдэг.Түүний хамгийн их айдаг зүйл нь хүч, урам зоригийг нь мохох. Түүнд хайр сэтгэл бол тоглоом л гэсэн үг.Эрчүүдийг танин мэдэх, тэднийг араасаа гүйлгэх дуртай.

Эрэгтэйчүүд

Өөрийн санааг үр дүнтэй байдлаар илэрхийлэх чадвартай. Түүний эхэлсэн үг нь ямагт оновчтой, жинтэй. Таныг өөртөө татахын тулд жинхэнэ боловсон зан авир гаргадаг. Гэхдээ анхны харцаар дурладаг гэдэгтэй санал үл нийлнэ.Тэр болгон “Би чамд хайртай” гэж хэлээд байдаггүй. Ер нь нэлээд ичимхий. Амьдралын эрээн бараан бүхнийг зөвхөн өөрийнхөө инээмсэглэлээр цайруулж тайвширдаг. Анхлан харахад тэрбээр хэнэггүй тайван хайхрамжгүй харагдана.Бусдыг өөртөө татаж хүрээлүүлэх чадвартай. Ихэнх нь цайлган, итгэмтгий байдаг.

 

Лхагва гарагт төрөгсөд

 

Эмэгтэйчүүд

Дэндүү даруу төлөв зангийн цаана, эелдэг дурламтгай, шилж сонгох дуртай зэрэг зан төлөв нуугддаг. Хайр сэтгэл янаг амрагийн явдалд тэрбээр үнэнч итгэлтэй цайлганаар ханддаг мэт харагддаг боловч анхны харцаар өөр хэн нэгэн хүнд дорхноо дурлаж л орхино.Түүний сэтгэлийг татъя, өөрийн болгоё гэвэл үргэлж гоё ганган хувцаслаж, боловсон ярьж, үнэнч хянуур байх хэрэгтэй.  

Эрэгтэйчүүд

Хайр дурлалын талаар туршлага сайтай сайн зөвлөгчид байдаг. Агуу их эелдэг ихэмсэг зангийн цаана, хачин жигтэй бодол санаа нуугддаг. Гэвч тэр болгон тэрхүү санаа бодлоо нууж чаддаггүй. Хэрвээ тэр танд хайртай л гэх юм бол бүхий л зүрх сэтгэл, оюун ухаанаараа дурладаг. Хамгийн сонирхолтой нь тэрбээр гал шиг дүрэлзсэн хайр дурлалд, тэр болгон итгээд байдаггүй.Өөрийг нь хэн нэгэн хүн хуурах гэж байгааг амархан мэдэрдэг.

 

Пүрэв гарагт төрөгсөд 

 

Эмэгтэйчүүд

Хайр дурлал түншлэлд тогтворгүй, эрх чөлөө сонин адал явдалд дурлагч, дэндүү танхилхан хүн байдаг. Өөрийхөө өмнө тавьсан зорилгод хүрч, ялж амьдрахыг хүсэмжилдэг. Нэг л шийд гаргасан бол яг л дөргүй бух шиг зүтгэдэг.Түүнийхээ төлөө л хөөцөлдөхийг урьтал болгодог. Өөрийгөө хүрээлж буй эрчүүдээс хэн нэгнийг эгнээнээсээ гаргахыг хүсвэл тэр дор нь эргэлт буцалтгүйгээр биелүүлнэ.

Эрэгтэйчүүд

Сэмхэн ажиглагч, амьдралын бүхий л зүйлийг тунгаан бодож өөртөө зааж зааварлаж байдаг. Амьдралын хэт хэвшмэл  байдалд орохоос ихээхэн эмээдэг. Ганцаараа болон нэг л хүнтэй хамт хорвоог барна гэж үгүй тул хүнээс амархан уйддаг. Энэ гарагт төрсөн эрчүүд авьяаслаг, аялдан дагагч, үймээнч байдаг. Эдгээр зан төлөвийн цаана итгэмээргүй онцгой их хайр халамж эелдэг зөөлөн зан авир байдаг.

 

Баасан гарагт төрөгсөд

 

 Эмэгтэйчүүд

Мөрөөдөмтгий, өөрийгөө өрөвдүүлэх, халамжлуулан хайрлуулахын тулд тэрбээр бага зэрэг заль хэрэглэнэ. Ганцаардлаас их айдаг, тэр гэр бүлийнхнийхээ цорын ганц удирдагч, манлайлагч нь. Тэрбээр ойр дотныхоо хүмүүсээс дэндүү хайр халамж нэхдэг эрх зантай.

Эрэгтэйчүүд

Жүжигчин л гэсэн үг. Танд хайртай хэмээн шивнэж байхдаа, үнэхээр хайртай гэж бодогдохоор байх боловч, өөр хэн нэгнийг харангуутаа л хувирдаг. Эелдэг боловсон байдал түүний зан авирын нэлээд хэсгийг эзэлнэ. Хэн түүнийг бусдаас илүү асарч хайрлаж байгааг тэр асар богино хугацаанд мэдэрнэ. Үерхэл хайр, гэр бүл хань ижил, янаг амраг энэ хэдэн үгс чихэнд нь ямагт хадаатай байдаг. Хэрвээ тэр таны тэврэлтэнд гүн автагдсан бол тэр чигээрээ үлдэж ч болох юм.

 

Бямба гарагт төрөгсөд 

 

Эмэгтэйчүүд

Нууцлагхан, санаа бодол нь ямагт хоорондоо зөрчилдөж, тэмцэлдэж байдаг. Бараг ээж, аавдаа ч өөрийнхөө нандин нууцыг дэлгэдэггүй. “Би чамд хайртай” гэдэг үг хуурамчаар, түүний амнаас амархан гарна. Өвчин тусамтгай, нэг өвчин тусвал эцсийн болох бүх арга хэмжээг авах хэрэгтэй. Хэрвээ нэг хүнд хүчтэй дурлавал дурлалынхаа араас шаргуу тэмцдэг.Урдаа хөндөлссөн хэнийг ч сэтгэл санааны дарамтад оруулж замаасаа холдуулж чаддаг.

Эрэгтэйчүүд

Оньсого шиг нууцлаг. Хэрвээ хайр сэтгэл нь бүтэлгүйтвэл ганцаараа ч хамаагүй нэг насаараа явж чадна.Тэрбээр өөрийнхөө санаа бодлыг бусад хүмүүст тулган улайлгахыг хүсдэггүй. Хэн нэгний нууцыг цоожтой авдар шиг хадгална.

Ням гарагт төрөгсөд

 

Эмэгтэйчүүд

Эрч хүч ихтэй. Тэрбээр ямагт ямар зйүл юмнаас айж эмээж явдаг. Итгэлтэй түнш. Өөрийгөө зөв боловсон авч явдаг ба хайртай бол хайртай, хайргүй бол хайргүй гэдгээ шууд л хэлдэг. Гуравдагч эргэлзсэн хайр сэтгэлд дургүй.Тээнэгэлзүүр удаан ойлгоцтой, “ханд” мэдэрдэггүй хүнд яснаасаа дургүй. Амьдралынхаа ханиа өөрөө л сонгодог. Амжилтанд хүрэхдээ нэлээд бэрхшээлтэй тулгардаг ч тийм амархан бууж өгдөггүй. Авьяаслаг яриа хөөрөөтэй, шулуун шударга эрчүүдийг илүүд үздэг.

Эрэгтэйчүүд

Өөртөө итгэлтэй. Дурламтгай, өөрийнхөө хайртай бүсгүйд тэрбээр ёстой л “баялгийн эзэн” шиг ханддаг. Нэр хүнд яриа хөөрөөгөөрөө бусдад таатай бодол дүгнэлт төрүүлж орхино. Алга ташилт, магтаалд дуртай. Өөрөө өөртэйгөө ярилцах, өөрийнхөө алхмыг дүгнэх дуртай. Шинээр юм сэдэх, түүнийгээ хэрэгжүүлэхэд цаг зарцуулдаг, амархан нэрд гарч алдаршдаг. Олон төрлийн мөрөөдлөөсөө болж өөрийгөө хэтэрхий их ядрааж орхидог сул талай. Хэрэв хэн нэгэн бүсгүйд дурлавал дурлалдаа туйлын үнэнч байж чадна.

 

---