ADIS нийгмийн хөгжлийн төвөөс АНУ-ын H2 визний талаар мэдээлэл хийлээ. Тус төв нь 2013 оноос хойш боловсрол, гадаад харилцаа, нийгмийн хөгжилд чиглэсэн үйл ажиллагааг тасралтгүй явуулж  IVY болон Gate гэх хөтөлбөрүүдийг хэрэгжүүж эхэлсэн юм. Эдгээр хөтөлбөрүүдээр боловсрол, нийгэм, олон нийтийн үйл ажиллагаанд идэвхтэй оролцдог, авьяас чадвартай 180 гаруй сурагч, оюутан залуусыг хамруулан гадаадын топ их дээд сургуулиудад тэтгэлэг, хөнгөлөлттэйгөөр бакалавр болон магистрын түвшинд суралцах боломжийг олгожээ.

Манай байгууллагаас шаардаж буй зүйл нь англи хэлний анхан шатны мэдлэг, өөрийн танилцуулга, бусад бичиг баримтыг бүрдүүлэх шаардлагатай

ADIS нийгмийн хөгжлийн төвийн захирал А.Батсайхан: 35 ажилчин АНУ-ыг зорихоор бичиг баримтаа бүрдүүлж байна

“2018 оны гуравдугаар сараас эхлэн АНУ-ын H2  визний хөтөлбөр дээр ажиллаж, тус улсын хөдөө аж ахуйн ферм болон бусад зуучлагч байгууллагуудтай хамтарч ажиллаж байна. Гэрээний дагуу эхний ээлжинд цөөн тооны хүмүүс АНУ-д ажиллахаар явсан. Цаашлаад хүмүүсийн чадвар, чадамжаас шалтгаалан 400-450 хүн ажиллах боломжтой. Энэ сард 35 ажилчин АНУ-ыг зорихоор бичиг баримт бүрдүүлэх шатан дээр явж байна. АНУ-д очоод байрлах байр, ажиллах ажил гэх мэт асуудлууд гэрээний дагуу шийдэгдэнэ. Мөн H2A визний эрхээр хугацаа хэтрүүлэн харлах, аяллын визээр ажиллах гэх мэт хууль бус асуудлууд багасна гэж бодож байна. Манай байгууллагаас шаардаж буй зүйл нь англи хэлний анхан шатны мэдлэг, өөрийн танилцуулга, бусад бичиг баримтыг бүрдүүлэх шаардлагатай. Бид бүхэн Монгол дахь АНУ-ын элчин сайдын яамтай цаашдын харилцаа холбоог илүү бататгах зорилгоор хамтарч үйл ажиллагаагаа явуулж байна” гэв.

Сурвалжлагч Д.Болор-Эрдэнэ 

 

---