БНСУ-ын Чонгсонд Олон Улсын Уулчдын Холбоо/UIAA/-ны Мөсөнд авиралтын дэлхийн цомын аварга шалгаруулах тэмцээн энэ сарын 11-13-нд болж өндөрлөлөө. Энэ нь 2019 оны эхний гараа юм. Тэмцээнд Монголын Уулчдын Үндэсний Холбоо/МУҮХ/-ноос 9 хүний бүрэлдэхүүнтэй баг оролцов. Өчигдөр буюу бямба гарагт болсон тэмцээн урьдчилсан шатны авиралтуудаар гараагаа эхэлсэн юм.

 

01 сарын 11. БНСУ-ын Чонгсон
Мөсөнд авиралтын дэлхийн цомын аварга шалгаруулах тэмцээний нээлтийн хэсгээс

 

Уг тэмцээний Техникийн төрлийн урьдчилсан шатны авиралтад эмэгтэй 30 тамирчин өрсөлдсөнөөс I ба II замыг гүйцээсэн тамирчин гараагүй хэдий ч маш өрсөлдөөнтэй өрнөв. Хагас шигшээд 18 тамирчин шалгарснаас ОХУ 3, БНСУ 7, Франц 2, Швейцарь 2, Ирланд 1, Финланд 2, Польш 1 тамирчин цааш хагас шигшээд өрсөлдөхөөр болсон. Манай тамирчин Б.Ариунбаяр I зам дээр 1.070, II зам дээр 1.071 оноо авч 30 дугаар байрт орж энэ төрлийг өндөрлүүлсэн бол МУҮХ-ны тамирчин Н.Анужин 29 дүгээр байр эзэлсэн. 

 

Харин хурдны төрөлд Б.Ариунбаяр хүч сорьсон. Эрэгтэй 34 тамирчин өрсөлдсөнөөс I ба II замыг нийт 7 /ОХУ, Иран, БНСУ/ тамирчин, үүнээс хоёр замыг зэрэг гүйцээсэн 2 /ОХУ, Иран/ тамирчин байлаа. Хагас шигшээд 18 тамирчин шалгарав. ОХУ 6, Иран 1, БНСУ 6, АНУ 1, Франц 1, Япон 2, Финланд 1 тамирчин цааш хагас шигшээд өрсөлдөхөөр болсон. Манай тамирчин, Спортын мастер О.Сайханжаргал I зам дээр 4.090 оноо, II зам дээр 5.110 оноо тус тус авч 32 дугаар байрт орсон юм. МУҮХ-ны тамирчин Д.Энхбаатар 33 дугаар байр эзлэв.О.Сайханжаргал, ОУХМ Н.Хэрлэн мөн Хурдны төрлийн гараанд гарч уралдав.

 

ХУРДНЫ ТӨРЛИЙН ГАРАА

Мөсөнд авиралтын дэлхийн цомын аварга шалгаруулах тэмцээний эрэгтэйчүүдийн хурдны 1/4 шигшээ уралдаан өнөөдөр өндөрлөлөө. МУҮХ, "Сутайн Бор" клубын тамирчин ОУХМ Н.Хэрлэн III хэсэгт гарч уралдсан. Тэрбээр гараанаас маш сайн гарсан боловч авиралтын явцад тактикийн бага зэргийн алдаа гаргаж тэмцээнээ өндөрлүүлсэн юм. Манай тамирчны хувьд дэлхийн медалийн төлөөх уралдааны замд учрах томоохон саадыг амжилттай давж чадсан. Цаашид сэтгэл зүйн хувьд өөртөө итгэлтэй болж, техникийн хувьд юун дээр анхаарах зэргийг сайтар ойлгож мэдсэн томоохон сорилт байв.

 

 

"Сутайн Бор" клубын тамирчид 2019 оны 1 дүгээр сарын 14-15-нд Сөүлд амраад 16-нд Өмнөд хөршийн нийслэл Бээжинд хөл тавина. Тэнд "хүчээ зузаатгана"  клубын ерөнхий дасгалжуулагч, Спортын мастер Х.Нямдоо, Уулын спортын I зэрэгтэй уулчин Б.Одмандах, шинэ залуу тамирчин Ж.Сэдэд нар нэгдэнэ. Залуу тамирчин Ж.Сэдэдийн хувьд Дэлхийн цомын аварга шалгаруулах тэмцээнд анх удаа өрсөлдөх бөгөөд хурд болон техникийн төрлүүдэд ч оролцоно.

 

 

ШИГШЭЭД ШАЛГАРЛАА

Мөсөнд авиралтын дэлхийн цомын аварга шалгаруулах тэмцээний шигшээд МУҮХ-ны баг, Говь-Алтай аймаг, Тонхил суман дахь Уулын спортын ууган мастер Я.Жанцангийн нэрэмжит "Сутайн Бор" клубын тамирчин, ОУХМ Н.Хэрлэн анх удаа шалгарлаа. Тэрбээр хагас шигшээд I зам дээр 07.66, 2 дугаар зам дээр 07.77 секунд, нийлбэр дүнгээр 15.43 секунд хурдалж VII байрт шалгарав.

 

 

Хагас шигшээ уралдаанд эхний 8-н байр эзэлсэн тамирчид цааш 1/4 шигшээд өрсөлдөх юм. ОУХМ Н.Хэрлэн 1/4 шигшээд ОХУ-ын Владислав Урловтой III хэсэгт таарч өрсөлдсөн 
Спортын мастер О. Сайханжаргал 18.66 секундын амжилтаар 12 дугаар байр эзлэв. 
МУҮХ-ны бусад тамирчдын хувьд мөн амжилттай уралдлаа. ОУХМ Д.Энхбаатар 18.49 
секундын амжилтаар 10 дугаар байр, Г.Хүрэлбаатар 19.99 секундын амжилтаар 13 дугаар байрт тус тус шалгарав. Монголын баг тэмцээний хурдны төрөлд гайхамшигтай амжилт үзүүлж байгааг мэргэжилтнүүд онцолжээ. 

 

Эмэгтэй хурдны хагас шигшээд манай тамирчин Б.Ариунбаяр  I зам дээр 18.67, II зам дээр 20.84 секунд нийлбэр дүнгээр 39.51 секунд хурдалж 12 дугаар байр эзлэв. Өмнөх өдөр үзүүлсэн амжилтаас 06.31 секундээр хоцорсон хэдий ч чамлахааргүй өндөр амжилт үзүүлснийг дасгалжуулагч, Спортын мастер Х.Нямдоо дурьдаж байна. Түүнд маш их нөөц боломж бийг онцлох хэрэгтэй. Эрэгтэй хурдны шигшээд ОХУ-ын 5, Монгол, Иран, БНСУ-ын тус бүр нэг тамирчин Дэлхийн цомын аварга шалгаруулах тэмцээний медалийн төлөө хурд хүч авхаалж самбаагаа тун удахгүй сорино.

 

ТАМИРЧИД БЭЭЖИНД "ХҮЧЭЭ ЗУЗААТГАНА"  

 

---