Эрүүл мэндийн долоо хоногийн тутмын сэтгүүлд нийтэлснээр АНУ-д эмэгтэйчүүд эмийн тун хэтрүүлэн хэрэглэх, нойрсуулах эмийн донтолтоос болж амиа алдах тохиолдол ойрын жилүүдэд эрс нэмэгдсэн байна.

1999 оноос 2017 он хүртэл 30-64 насны эмэгтэйчүүд эмийн тун хэтрүүлэн хэрэглэснээс болж амьсгал хураах тохиолдол 260 хувиар нэмэгджээ.  Стрессээс сэргийлэх эм, кокайн геройн агуулсан тайвшруулах эмийн тун хэтрүүлэх нь иргэдийн дунд нийтлэг үзэгдэл болсон байна.

Судлаачдын таамаглаж байгаагаар цаашид ийм шалтгаанаар дундаж насны эмэгтэйчүүд амиа алдах нь нэмэгдсээр байх тул зогсоохын тулд нэн даруй арга хэмжээ авах шаардлагатай гэж анхааруулжээ.

Учир шалтгааныг нь тайлбарлахдаа эмэгтэйчүүд эрчүүдээс илүү нэг үйлдлээ давтах, донтох магадлалтай байдаг байна. Тиймээс эмийн гаж нөлөө, хор хөнөөл, донтолтын эсрэг мэдээллээр иргэдийг хангах нь чухал гэж эмч мэргэжилтнүүд үзжээ.

 

 

Эх сурвалж: www.cnn.com

---