Зимбабве улсын Ерөнхийлөгч байсан Роберт Мугабегаас чемодан дүүрэн мөнгө хулгайлсан гурван этгээдийн шүүх хурал болжээ.

Гэмт этгээдүүд 1987-2017 он хүртэл төрийн эрх барьсан Мугабегаас 150,000 ам.долларыг бэлнээр хулгайлсан хэрэгт буруутгагдаж байна.

 

 

Хулгайч нар мөнгөө тансаг машин, сууц, тэжээвэр амьтад худалдаж авахад зарцуулсан гэж үзжээ.

Ерөнхийлөгч асан Мугабегийн ойрын хамаатан Константиа Мугабе гэмт этгээдүүдийн дунд багтжээ.

Константиа Мугабед Ерөнхийлөгчийн Звимба дахь гэрийн түлхүүр байсан ба хулгай хийх гэж байсан этгээдүүдэд түлхүүрийг нь өгч тусалсан байна.

Хулгай хийсэн этгээдүүд үйлчлэгч цэвэрлэгчээр ажилладаг байжээ.

Прокуроруудын мэдээллээр шүүгдэж буй Жоаннэ Мапуриса хулгай хийснийхээ дараа 20,000 ам.долларын үнэтэй Toyota Camry автомашин худалдаж авсан байна.

Мөн хам хэрэгтэн Сэймор Нэтэква Honda автомашин, гахай үхэр худалдаж авчээ.

Энэ жил 94 настай Роберт Мугабе 2017 онд төрийн эргэлтээр албан тушаалаасаа буусан. Тэрээр Зимбабве улсын анхны Ерөнхий сайд, хоёр дахь Ерөнхийлөгчөөр ажиллаж төрийн эрхийг 37 жилийн турш барьсан юм.

Хулгай гарах үед гэртээ байсан эсэх нь тодорхойгүй. Шүүгдэгчид батлан даалтанд суллагдаад байгаа юм.

 

 

 

Эх сурвалж: www.bbc.com

---