Дэлхийн нийтээрээ шинэ оноо угтахад хоног гаруй хугацаа үлджээ. Хүн бүр өнгөрч буй 2018 онд хийсэн бүтээсэн үйл хэргээ нэгтгэж, ололт амжилт, алдаа дутагдлаа дүгнэдэг билээ. Цоо шинэхэн 2019 оноо угтан авахын тулд өнгөрсөн цаг хугацаагаа бид хангалттай аз жаргалтай өнгөрөөж чадсан болов уу. Канадын эдийн засагч судлаач Жон Хэлливелл, Британийн эдийн засагч Ричард Лайард болон Америкийн эдийн засагч Жефри Сачс нарын 2018 онд гаргасан "Дэлхийн аз жаргалын мэдээлэл" номонд энэ талаар дэлгэрэнгүй судлан бичжээ.

Номонд бичсэнээр 2015-2017 оны хооронд ард иргэд нь хамгийн их аз жаргалтай байсан улс бол Финлянд юм. Жагсаалтын эхний 10 байранд Европын орнууд багтсан бол Азийн орнууд жагсаалтын дунд хэсэгт оржээ. Харин Монгол улс аз жаргалын индексээрээ дэлхийн 156 орноос 94 дүгээрт,  Хятад 85 дугаарт, Япон ба Өмнөд Солонгос улсууд 54, 57 дугаарт бичигдсэн байна.

 

 

Дэлхий дээр хамгийн аз жаргалтай 10 улс

1. Финлянд
2. Норвеги
3. Дани
4. Исланд
5. Швейцарь
6. Нидерланд
7. Канад
8. Шинэ Зеланд
9. Швед
10. Австрали

Мөн 2010-2017 он хүртэл аз жаргалын индекс нь хамгийн их өссөн орнуудын жагсаалтыг Того, Латви, Болгар улсууд тэргүүлсэн бол Монгол улс 21 дүгээрт оржээ. Хамгийн аз жаргалгүй улс орнуудаар Африкийн орнууд нэрлэгдсэн ба 156 дугаарт Бурунди улс багтжээ.

 

 

Эх сурвалж: World Happiness Report

 

---