Өдөр бүр олон сая хүн зүрхний өвчнөөс ангижрахын тулд загасны тостой капсул хэрэглэсээр байна. Сүүлийн үеийн судалгаагаар загасны тосон бэлдмэл зүрхний титэм судасны өвчнийг бууруулдаг байж магадгүй гэжээ.

Америкийн Зүрх Судасны холбоо загасны тос зүрх судасны үйл ажиллагааг дэмжиж, зүрх зогсох өвчнөөр таалал төгсөх эрсдэлийг бууруулдаг болохыг тогтоожээ. Гэхдээ зүрхний өвчнөөс сэргийлдэггүй гэсэн дүгнэлтийг Зүрх Судасны холбоо хийсэн байна. Дундаж насны хүмүүс загасны тостой бэлдмэл хэрэглэхээсээ өмнө эмчийн зөвлөгөө авах шаардлагатай гэжээ. Харин зүрх судасны өвчтэй хүмүүс хэрэглэхэд илүү тохиромжтой хэмээн мэргэжилтнүүд зөвлөж байна.

Хэрэв та зүрхний шигдээсээр өвдөж байсан бол өдөрт 1,000 мг буюу нэг грам загасны тос хэрэглэвэл зүрхний шигдээсээр амьсгал хураах тохиолдол 10 хувиар буурна. Өнгөрсөн 15 жилийн хугацаанд загасны тосыг тайвшруулах эмтэй ижил үйлчилгээтэй гэж үздэг байжээ. Зүрх судасны өвчнөөс гадна загасны тос цус харвах магадлалыг бууруулдаг байж магадгүй гэсэн судалгаа байдаг.

Гэсэн ч их хэмжээгээр хэрэглэвэл цус алдах эрсдлийг нэмэгдүүлдэг гэдгийг анхаараарай.

Эх сурвалж:/www.health.harvard.edu/

---