Их Эв намыг улсын бүртгэлд бүртгүүлэх тухай З.Бат-Отгон нарын хүсэлтийг Улсын Дээд шүүх 2018 оны 12 дугаар сарын 21-ний өдөр хянан хэлэлцжээ.

Хүсэлт гаргагчаас ирүүлсэн баримт болон намын дүрэм, мөрийн хөтөлбөр нь Үндсэн хууль, Улс төрийн намын тухай хууль, Хуулийн этгээдийн улсын бүртгэлийн тухай хуульд нийцсэн гэж Дээд шүүх үзэж,  уг намыг улсын бүртгэлд бүртгэж, гэрчилгээ олгохоор шийдвэрлэсэн байна. Ингэснээр Их Эв нам нь Монгол Улсад улс төрийн үйл ажиллагаа явуулах эрхтэй 30 дахь нам болжээ.

З.Бат-Отгоныг “Монгол суу ухаан” -ны Манукол академийг үүсгэн байгуулагч гэдгээр нь монголчууд илүү таньдаг билээ.

---