Снүүкер биллиардын спортод онолын хувьд нэг тоглолтонд авч болох хамгийн дээд оноо нь 147 оноо байдаг. 15 улаан шаарыг 15 хар өнгийн шагналын шаартай дараалан авахад 120 оноо болдог бол үлдсэн зургаан шагналын шаарын нийлбэр 27 оноотой нийлээд 147 оноо болдог юм.

1955 онд Стив Девис анх албан ёсны зурагтаар дамжуулсан тэмцээний үеэр 147 оноо авсан байдаг бол хамгийн олон удаа энэхүү дээд амжилтыг нийт 15 удаа гүйцэтгэсэн амжилтаар домогт тамирчин Ронни О Сулливан бүртгэгдсэн байдаг байна. Ронни О Сулливан 1997 оны дэлхийн аварга шалгаруулах тэмцээний үеэр хамгийн богино хугацаанд буюу 5 минут хүрэхгүй хугацаанд 147 оноог авсан рекордын эзэн юм. Тийм ч учраас түүнд "Пуужин" хочийг хүртээсэн биз.  

Онолын хувьд нэг тоглолтонд 147 оноо нь хамгийн дээд оноо боловч түүнээс их оноо авах тохиолдол хэд хэдэн удаа тохиолдож байсан юм. Тухайлбал, хамгийн анх Валли Вест 1976 онд 151 оноо авч байсан тохиолдол бүртгэгдэж байжээ. Энэ нь өрсөлдөгч тамирчны алдааны оноо боломжит 147 оноо дээр нэмэгдэж тооцогдсон тохиолдол юм. Хамгийн сүүлд энэ оны 4 сард China Open тэмцээний үеэр Английн тамирчин Марк Селби Шотландын Скотт Доналдсонтой тоглох үеэрээ 141 оноо авч байсан юм. 

 

Мэргэжлийн снүүкер биллиардчдын хүрээнд 145 удаа хамгийн өндөр оноо болох 147 оноог аваад байгаа юм. Хамгийн сүүлд Жон Хиггинс хэдхэн хоногийн өмнө болж өнгөрсөн Scottish Open тэмцээний үеэр 147 оноог авсан юм. 147 оноог хамгийн олон удаа буюу 15 удаа "Пуужин" хочит Ронни О Сулливан авч байсан бол домогт тамирчин Стефен Хэнри 11 удаа, Жон Хиггинс 9 удаа авч байжээ. 

Мэргэжлийн чансаа өндөртэй тэмцээнүүдэд 147 оноо авсан тамирчдад тусгай мөнгөн шагнал өгдөг уламжлалтай. Тухайлбал, 1997 оны дэлхийн аварга шалгаруулах тэмцээний үеэр Ронни О Сулливан 147 оноо авч 165.000 паунд шагналд авч байсан юм. Энэ нь 147.000 паундыг 147 оноо авсан шагналд авч дээр нь тухайн тэмцээний үеээр хамгийн өндөр оноо авсан тамирчны шагнал болох 18.000 паунд нэмж авч байсан юм. 

2004 оны гран при тэмцээний үеэр Жон Хиггинс Рики Валдентэй учраа тааран тоглохдоо 155 оноо авч байсан юм. Уг тоглолтын бичлэгийг үзэж сонирхоно уу. 

 

 

www.livetv.mn сайт "Спортын домгууд" тогтмол булангийнхаа ээлжит дугаараар "Пуужин" хочит Ронни О Сулливаны тухай дэлгэрэнгүй нийтлэх болно. 

 

---