Монгол улс НҮБ-ын бүрэн эрхэт гишүүн орноор элссэний 55 жилийн ой тохиосон 2016 онд Ази-Европын дээд түвшний “АСЕМ”-ийн 11 дэх удаагийн чуулга уулзалтыг Нийслэл Улаанбаатар хотноо амжилттай зохион байгуулсан билээ. Энэ үйл явдлыг тохиолдуулан Урчуудын эвлэлийн гишүүн зураач А.Чадраабалын “Тэнгэрийн өрх” хөшөөг Сүхбаатарын талбайн өмнөх талбайд байрлуулсан. 

 

 

"Хөшөөг ар талаас нь харахад өрхийг нь татсан монгол гэрээс тэнгэр огторгуйг тольдож буй мэт сэтгэгдэл төрүүлэхээр бүтээсэн. Үүгээрээ Дэлхийн бодлогыг монгол гэр дотроо хэлэлцсэн гэх санааг илтгэж байгаа юм" гэж уран бүтээлч А.Чадраабал өгүүлж байсан. 

Энэхүү хөшөөг Нийслэлийн өмчийн харилцааны газраас нийслэлийн өмчид одоог хүртэл бүртгэж аваагүй байгаа ба асуудлын гол нь хэдэн төгрөгөөр үнэлэх нь тодорхойгүй байгаа аж. Иймд саяхан Монгол улсад үйл ажиллагаа явуулдаг Үнэлгээний компаниудад хандан үнийн санал ирүүлэхийг хүссэн зар түгээжээ. Хамгийн бодитой үнийн дүнг ажлын хэсэг тогтоосны үндсэн дээр "Тэнгэрийн өрх" уран бүтээлийг нийслэлийн өмчид бүртгэж авах юм. 

---