Камбож улсын Пном Пен боомтод өнгөрсөн жил ирсэн ч эзэн нь ирж аваагүй чингэлгээс 3,2 тн бүхий 1,026 ширхэг зааны соёо олдсон байна. Эзэнгүй чингэлэг Мозамбик улсаас ирсэн ч хаашаа хүргэх гэж байсан нь тодорхойгүй байжээ.

Хятад улсад зааны соёог хамгийн их хэрэгцээтэй байдаг. Тиймээс Камбожийн хилээр дамжуулан Африкаас зааны соёо худалдаалах нь элбэг. Энэ оны дөрөвдүгээр сард Камбожийн Мапуто боомтоос 3,5 тн зааны соёо илрүүлжээ.

2017 оны долдугаар сард Хонконгийн эрх баригчид 7,2 тн зааны соёо олсон нь нэг дор хамгийн их хэмжээгээр тээвэрлэж байсан тохиолдол юм.

Дэлхий даяар зааны соёо худалдаалахыг 1990 онд хориглосон байдаг ч жил бүр 40,000 Африкийн зааныг хулгайн анчид агнасаар байна. Хамгийн их зах зээлтэй Хятадад жилийн өмнө зааны соёо худалдахыг хориглосон. Харин АНУ-д 2016 оноос энэ төрлийн худалдааг албан ёсоор хууль бус гэж тооцох болжээ.  

 

 

Эх сурвалж: www.bbc.com

---