БНХАУ-ын Гуанжу хотноо жүдо бөхийн Мастерс-2018 тэмцээний хоёр дахь өдөр хүнд жингийн барилдаануудаар үргэлжлэн явагдаж байна.

Эрэгтэйчүүдийн -81кг жинд ОУХМ Н.Дагвасүрэн эхний тойрогт Португаль жүдоч Эгүтидзе Анриг ялсан.

Хоёрдугаар тойрогт Германы Рессел Доминиктой барилдан нэмэлт цаг дээр урамтай сайхан барилдаж яллаа. Германы Рессел Доминиктой өмнө нь хоёр удаа учраа тааран барилдахад манай Н.Дагвасүрэн хоёуланд ялагдаад байсан бол энэ удаад түүний ялалтыг зогсоолоо. Н.Дагвасүрэн В хэсгийн аваргын төлөө ОХУ-ын Хубецов Алантай барилдана. ОХУ-ын Хубецов Аланы хувьд 3834 оноотойгоор дэлхийн чансааны 5-д эрэмблэгдэж байна. Өнгөрсөн жилийн Мастерст тэрээр хүрэл медаль хүртсэн. Урьд нь хоёр жүдоч хоёр удаа учраа тааран барилдахад хоёуланд нь Н.Дагвасүрэн ялаад байгаа юм. 

Шууд үзэх:

Хэрэв та уг барилдааныг үзэж амжаагүй бол шууд дамжуулалтын видеог ухраан нөхөж үзэх боломжтой юм. 

---