Испани улсын прокурорын газар дуучин Шакираг татвараа нуун дарагдуулсан гэж үзжээ. Дуучин бүсгүй 2012-2014 оны хооронд Испани улсад амьдарч байхдаа зохих ёсны татвараа төлөөгүй гэжээ.

Испанид зургаан сараас дээш хугацаанд амьдарч байгаа хүн бүр оршин суугаа газрын татвар төлөх ёстой байдаг байна. Гэвч дуучин бүсгүйн ойрын эх сурвалж уг мэдээллийг үгүйсгээд байгаа юм. Шакира ихэнх үед Испани улсаас гадуур амьдарч байсан гэжээ.

Харин прокурорууд түүнийг ихэнх цагаа FC Barcelona-ын багийн тоглогч хөлбөмбөгчин Жерард Пикүэтэй хамт Испани улсын нутаг дэвсгэрт өнгөрүүлсэн гэж үзэж байна. Прокурорууд дуучин бүсгүйг шүүхэд дуудахын тулд татвараас зайлсхийснийг нь нотлох баримт хайж байна гэж эх сурвалж мэдээлжээ.

Испани улсын прокурорууд ойрын жилүүдэд олны танил хэд хэдэн хүнийг татвараас зайлсхийсэн хэрэгт холбогдуулан буруутгаад байгаа юм. Өнгөрсөн есдүгээр сард Real Madrid багийн хамгаалагч Марсело Вьераг шүүхэд дуудаж дөрвөн сарын тэнсэн харгалзах ял оноосон.

Лионел Месси, Нэймар болон Кристиано Роналдо зэрэг алдартай хөлбөмбөгчид татвараас зайлсхийсэн хэрэгт холбогдоод байгаа юм.

 

Эх сурвалж: www.bbc.com

---