Дээрхийн гэгээн 14 дүгээр Данзанжамц  Далай лам 1959 онд Хятадаас цөлөгдөн Энэтхэгт очсон түүхтэй. Хэдийгээр Буддын шашны тэргүүн Далай ламыг Хятадын Засгийн газар хүлээн зөвшөөрдөггүй ч дэлхийн нийт буддын шашинтнууд хүндэтгэн, даган мөргөж ирсэн.

Тэр дундаа Түвдүүд Далай ламыг оюун санааны удирдагчаа хэмээн хүндэтгэн биширдэг. Тиймдээ ч Түвдийн асуудал Хятадын Засгийн газар, Коммунист намын шүдний өвчин болсоор байдаг.

Ирэх оны гуравдугаар сард Далай лам цөлөгдсөний 60 жилийн ой тохионо. Ойн хүрээнд Хятадын эрх баригчид ямар нэг үйлдэл хийхгүй байхыг анхаарууллаа.

1950 онд Бээжингээс цэрэг илгээж, салан тусгаарлагч гэж мэдэгдсэн Далай лам уулархаг бүсэд тусгаарлагдсан эх нутагтаа автономит тусгай эрх л хүссэн гэжээ.

Түвдийн өдөр тутмын сайтад пүрэв гарагт “Далай лам Түвдийн тусгаар тогтнолыг дэмжихээ хэзээ ч зогсоохгүй” гэсэн тайлбар нийтэлсэн байна. Буддын шашны тэргүүн өрнөдийн орнуудын хэвлэл мэдээллийн хэрэгсэл ашиглан сурталчилгаа хийсээр байгаад өмнөд хөршийн эрх баригчид буруутгасаар байдаг.

Хүний эрхийн байгууллагууд Түвдийн автономит бүс бий болгох нь тун ярвигтай асуудал гэдэгтэй санал нийлдэг. Хятадад очсон жуулчид Түвдэд хөл тавихын тулд заавал тусгай зөвшөөрөл авдаг байна.

 

Эх сурвалж: www.reuters.com

---