Хүн л учраас алдах ч эрхтэй, онох ч эрхтэй. Бид гаргасан алдаагаа давтахыг хүсдэггүй ч тэр бүр санаснаар болдоггүй.  “Тэнэг хүн алдаанаасаа суралцдаг бол ухаантай хүн бусдын алдаанаас суралцдаг” гэсэн зүйр үг ч бий. 

Мичиганы Их сургуулийн Клиникийн физиологи судлалын лабораторийн судлаачид алдаа гаргахдаа ихэнх хүмүүс хоёр өөр байдлаар ханддагийг судалж тогтоожээ. Зарим нь “энэ талаар март даа, би үүнийг хэзээ ч сайн хийж чадахгүй” гэж ханддаг бол үлдсэн хэсэг нь “юун дээр алдчихав? Дахин үүнийг давтахгүй” гэж хүлээж авдаг байна. 

Уг судалгааг хийсэн багийн ахлагч Жэсон Мосерын ярьснаар “бид гаргасан алдаандаа анхаарлаа хандуулснаар засч залруулахын тулд илүү их хүчин чармайлт, цаг хугацаа зарцуулдаг” гэжээ.

Харин илүү ухаалаг хүмүүс гаргасан алдаагаа богино хугацаанд эергээр эргүүлж чаддаг. Ихэнх хүн алдаагаа давтсаар байдаг бол амжилттай яваа ухаалаг хүмүүс алдаагаа дахин давтдаггүй. Ухаалгууд алдаанаасаа суралцаж чаддаг. Өөрөөр хэлбэл юунаас болж алдсанаа маш түргэн ойлгодог учраас дахин алдаа гаргах нөхцөл байдлыг үүсгэдэггүй. Амжилттай яваа, ухаалаг эрхмүүд дараах алдаануудыг давтдаггүй.

 

1.    Хэн нэгэн, зарим зүйл хэтэрхий үнэн байх нь сайн зүйл гэж итгэхийн өмнө ухаалаг хүмүүс маш ноцтойгоор хүлээж авч хоёр дахин бодож үздэг.

2.    Нэг үйлдлээ хэдэн арван удаа давтсан ч үр дүн нь хэзээ ч өөрчлөгдөхгүй гэдгийг мэддэг

3.    Аливаа шагнал урамшуулал амар хялбар аргаар богино хугацаанд олддоггүй болохыг ойлгосон байдаг

4.    Тэд аль хэдийнээ төсвөө хэрхэн зарцуулахаа төлөвлөсөн байдаг. Бүр жилээр нь тооцож төсвөө гаргах нь бий.

5.    Заримдаа хүмүүс толгой өөд таталгүй хөдөлмөрлөсөөр жинхэнэ зорилгоо умартсан байдаг. Харин ухаалаг хүн зорилгоо бүрэн ухамсарлаж, өдөр тутмын ажил хөдөлмөрөө хуваарилдаг.

6.    Ухаалаг хүн хэзээ ч гэрийн даалгавраа бусдаас хуулж эсвэл хийлгүй орхидоггүй. Учир нь даалгавраас суралцах зүйл их байдгийг мэддэг.

7.    Өөртөө байхгүй зан чанарыг хиймлээр бий болгож дүр эсгэх нь хэрэггүй зүйл гэдгийг тэд мэддэг учраас хэзээд өөрийнхөөрөө байдаг.

8.    Хүн болгонтой эелдэг харьцаж, хүн бүрийн сэтгэлд нийцэх албагүй гэдгийг ухаалаг хүн ойлгодог. Хүн бүрт таалагдах албагүй.

9.    Хохирогчийн дүрд тоглох нь хуурмаг заль гэдгийг ухаалаг хүмүүс нэг удаагийн алдаанаасаа шууд л ойлгодог.

10. Хүнийг өөрчилж чадна гэж хүмүүс эндүүрэх нь олонтаа. Ухаалаг хүн нэг удаа алдаж болох ч дахин алдаагаа давтахгүй. Тэд хүнийг хүссэнээрээ өөрчлөх боломжгүй гэдгийг ухамсарласан байдаг болохоор шударга, эерэг хүмүүсээр ажил мэргэжил, амьдралын хүрээллээ үүсгэдэг.

 

Эх сурвалж: www.qz.com /LinkedIn/

---