Энэтхэгт хоол хүргэлтийн ажилтан үйлчлүүлэгчийнхээ захиалсан хоолноос идчихээд буцаагаад савлаж буй бичлэг олон нийтэд тархжээ. Бичлэг тархсны дараа үйлчлүүлэгчийн хоолноос идсэн хүргэлтийн ажилтныг халсан байна.

 

 

“Зомато” нь Энэтхэгийн хамгийн том хоол хүргэлтийн компани юм. “Зомато” хоол хүргэлтийн аппликэйшнээр хоол хүргэдэг ажилтан үйлчлүүлэгчийн хоолноос идэж буй бичлэг олон мянган хүний уур бухимдлыг төрүүлжээ.

Гэвч маш бага хөлсөөр хүнд хүчир хөдөлмөр эрхлэгчид хоол хүргэлтийн ажилтны буруу биш гэж үзэж байна. Хүргэлтийн ажилтнууд олон цаг ажиллаж, маш бага хөлс авдаг. Эхлээд хүргэлт нэг бүр нь 60 рупи буюу 85 цент байсан бол одоо хүргэлтийн ажилтнууд 40 рупи авдаг болжээ.

Шатахууны үнэ, хэрэглээний зардал нэмэгдсээр байсан ч хүргэлтийн компаниуд хөлсөө багасгаар байгаа юм. Мөн эрүүл мэнд, осол гэмтэл, аюулгүй ажиллагааны даатгал байдаггүй байна.

Харин “Зомато” компани энэ тал дээр хүргэлтийн ажилтны буруу гэдгийг хэлж байна. “Хэрэв танд хүний идэж байгаад орхисон тал хоол өгвөл идэх эсэхээ сайн бодоорой” гэж компанийн зүгээс мэдэгджээ.

 

Эх сурвалж: www.bbc.com

---