Канад улсын Гадаад хэргийн яаманд ажиллаж байсан дипломатчийг Хятадын тал баривчлан саатуулсан тухай эх сурвалжууд мэдээлж байна. Майкл Ковриг 2010-2016 оны хооронд Гадаад хэргийн яаманд ажиллаж байгаад 2017 оноос хойш Бельгийн Брюссельд төвтэй “International Crisis Group” бодлого судалгааны байгууллагад ажиллажээ.

“International Crisis Group” болон Канадын засгийн газар иргэнээ нэн даруй суллахын тулд шуурхай ажиллаж байгаа хэмээн мэдэгдсэн байна. Хятадын зүгээс одоогоор ямар нэг хариу тайлбар өгөөгүй гэжээ.

Канадын эрх баригчид Вашингтоны хүсэлтээр Хятадын “Huawei” компанийн санхүү эрхэлсэн гүйцэтгэх захирал Мэн Ванжоуг баривчилж 10 сая канад долларын батлан даалтанд суллаад байгаа. Хэрэв хатагтай Мэн Ираны эсрэг тавьсан хоригийг зөрчсөн нь батлагдвал 30 жил хүртэл хорих ял сонсно.

 

 

“Huawei” компанийн гүйцэтгэх захирлыг саатуулснаас гадна Хятадын Засгийн газар Канадын экс дипломатчийг баривчилсан нь хоёр улсын харилцааг улам ээдрээтэй болгож байна.

Канадын иргэн Ковриг нь 2012-2016 онд Бээжин, Хонконгт үүрэг гүйцтэтгэж байсан ба Гадаад хэргийн яаманд байхдаа Нью-Йорк дахь НҮБ-д томилогдож байжээ. Дараа нь “International Crisis Group”-т Зүүн Хойд Ази хариуцсан зөвлөхийн алба хашиж байгаад баривчлагдаад байгаа юм.

 

Эх сурвалж: www.bbc.com

---