Хэдийнээ 12 сар гарч шинэ жилийн баяр хаяанд айсуй. Ганган гацуур, зул сарын чимэглэл хахир хүйтэн өвлийн улирлыг, хүйтнээс зугтаж яаран алхах иргэдийн сэтгэлийг ч гэрэлтүүлэх шиг.

Хүн бүр шинэ жилийн баярт дуртай байдаггүй ч баярын өдрүүдийг гэр бүлтэйгээ амарч өнгөрүүлдэг. Энэ үед хүүхдүүд өвлийн өвөө жинхнээсээ байдаг эсэхийг эцэг эхээсээ шалгаах нь олонтаа. Хэрэв та ч бас энэ талаар хүүхдүүддээ тайлбарлах хэрэг гардаг бол мэргэжилтнүүд дараах зөвлөгөөг өгчээ.

 

 

Сэтгэлзүйч Кэлли-Энн Аллен

-       Тиймээ. Та хүүхдүүдээ өвлийн өвөө байдаг гэдэгт итгүүлэх хэрэгтэй. Яагаад гэвэл шинэ жил, зул сарын баяр, өвлийн өвгөн, цасан охин хүүхдүүдийн дурсамжинд салшгүй нэг хэсэг нь болдог. Тэд ирээдүйд өв уламжлалаа хадгалж үлдэхийн тулд дурсамжаа эргэн санадаг. Хүүхдүүдийн төсөөлөх чадварыг хөгжүүлснээр анхаарал төвлөрүүлэх чухал ач холбогдолтой. Мөн хүүхдүүд хоорондоо мэдээллээ хуваалцдаг. Гурван настай хүүхдэдээ өвлийн өвөөгийн талаар худлаа ярих, гучин настай хүүхдэдээ худлаа ярих хоёр маш том ялгаатай. Тиймээс эцэг эхчүүд өвлийн өвөөгийн талаарх дүгнэлтийг хүүхдүүдийн байгалийн зөн совинд итгэн үлдээх хэрэгтэй.

Сэтгэлзүйч Амэнэ Шахайан

-       Үгүй. Насанд хүрсэн хүмүүс өвлийн өвөөгийн тухай хүүхдүүддээ худлаа хэлэх ёсгүй. Хэрэв хүүхдүүд өвлийн өвөө жинхнээсээ байдаг уу, үгүй юү гэж асууж байвал аль хэдийнээ бодит ба хийсвэр зүйлийн ялгааг таньж эхэлсэн гэсэн үг. Хүүхэд үнэнийг мэдэхийг хүсч байвал тэдэнд үнэнийг л хэлэх хамгийн зөв хариулт байх болно.

Багш Ребекка Инглиш

-       Үгүй. Өвлийн өвөөгийн тухай хүүхдүүддээ үнэнийг хэлснээр тэднийг хий хоосон зүйлд итгэдэг болохоос зайлсхийнэ. Тэд үнэнийг мэдсэнээр ганцаараа биш гэдгээ ойлгоно. Өвлийн өвөөгийн тухай төсөөлөл хүүхдүүдэд урам өгдөг хэдий ч бодит байдлаас холдуулж, хийсвэр ертөнцөд үлдээх хэрэггүй.

Философич Петр Эллертон

-       Үгүй. Өвлийн өвөөгийн тухай худлаа хэлэх нь зөв зүйл биш. Бид хүүхдүүддээ олон зүйл дээр худлаа хэлдэг. Аав ээж хоёр нь маргалдаагүй, Ровер нохой нь нохдын диваажинд очсон, мундаг хөвгүүд уйлдаггүй юм гэх мэтээр хуурдаг. Гэхдээ өвлийн өвөөгийн түүхэнд заавал итгүүлэх ёстой гэж бодох хэрэггүй. Зөвхөн сайн хүүхдүүд л бэлэг авдаг гэж итгүүлвэл ядуу айл өрхүүд яах билээ? Хүүхдүүд үнэ цэнэ, үнэлэмжийг хэрхэн дүгнэдэг болох бол? Хүүхдүүддээ зарим зүйлийн талаар худлаа ярьж болох ч өвлийн өвөө, Сантатай холбоотой түүхийг худлаа хэлэх хэрэггүй гэж зөвлөе.

 

Эх сурвалж: www.qz.com

---