Хот тохижилтын газрын ажилтнууд автомашины хөдөлгөөн ихэссэн үед цэвэрлэгээ үйлчилгээг хийх болсон. Үүнээс болж авто замын түгжрэл үүсгэх зэрэг асуудлаас болж ажиллах цагийн хуваарьтаа өөрчлөлт оруулжээ. 

Аравдугаар сарын 1-нээс 2019 оны дөрөвдүгээр сарын 1-ний өдрийг хүртэлх хугацацаанд 05:00-07:00 цаг, дөрөвдүгээр сарын 1-нээс аравдугаар сарын 1-ний өдөр хүртэлх хугацаанд 04:00-06:00 цаг хүртэл ажиллах шийдвэрийг Улаанбаатар хотын Ерөнхий менежер гаргасан байна. Уг тушаалын дагуу Хот тохижилтын газар ОНӨААТҮГ-аас энэхүү цагийн хуваарийг баримталж, өглөөний цагаар Баянхошуу, Чингэлтэй, Тахилт, Хужир булангийн чиглэлд тажилчдын автобус гарган, 05:00 цагаас эхлэн цэвэрлэгээ үйлчилгээг гүйцэтгэж байна.

Мөн Хот тохижилтын газар ОНӨААТҮГ-аас Зам талбайн үйлчлэгчдийн ажлын ачааллыг бууруулах, цэвэрлэгээ үйлчилгээг түргэн шуурхай хийх зорилгоор тусгай зориулалтын зам цэвэрлэгээний машинаар авто замын зорчих хэсгийн нуухан дахь хог хаягдал, цасыг соруулан тогтмол цэвэрлэж, гүүр, нүхэн гарц, авто замын зорчих хэсэгт давс, бодис цацан халтиргаа гулгаанаас сэргийлэн ажиллаж байгаа гэнэ. 

---