Канадын Засгийн газар АНУ-ын хүсэлтээр Хятадын “Huawei” компанийн санхүү эрхэлсэн гүйцэтгэх захирал Мэн Ванжоуг баривчлан саатуулаад байгаа. Түүнийг өнгөрсөн долоо хоногийн баасан гарагт батлан даалтанд суллах эсэхийг шүүхээс шийдвэрлэх ёстой байсан. Гэсэн ч шийдэлгүй өдий хүрлээ. Хатагтай Мэнг батлан даалтанд суллах эсэхийг шийдэх шүүх хурал дахин хойшилжээ.

Хэрэв Мэн хатагтайг нэн даруй батлан даалтанд суллахгүй бол хэргийг нь АНУ-д шилжүүлж магадгүй нөхцөл байдал үүсээд байгаа юм. Ираны цөмийн хөтөлбөрийг зогсоохоор АНУ-ын тавьсан хоригийг “Huawei” компани зөрчсөн гэж Вашингтоноос буруутгасаар байна.

Энэ жил 46 настай Мэн Ванжоу нь Хятадын технологийн тэргүүлэгч “Huawei” компанийн үүсгэн байгуулагчийн охин бөгөөд санхүү эрхэлсэн дэд захирлаас гадна удирдах зөвлөлийн дэд даргын алба хашдаг. Хятадын албаны хүмүүс хатагтай нэн даруй суллаж явуулахыг Канадын Засгийн газраас шаардсаар байна.

Хэдийгээр Нэгдсэн улсын Ерөнхийлөгч Дональд Трамп, Хятадын дарга Си Зиньпин нар Буэнос-Айрест уулзаж гурван сарын турш худалдааны дайнаа түр зогсоохоор хэлэлцээр хийсэн ч нөхцөл байдлыг хурцатгах үйл явдлууд ар араасаа хөвөрч байна.

 

Эх сурвалж: www.cnn.com

---