Дөрвөн долоо хоног үргэлжилсэн шар хантаазтнуудын жагсаал тэмцлийн хариуд Францын Ерөнхийлөгч Эммануэль Макрон өчигдөр орой мэдэгдэл хийлээ. Макрон эмх замбараагүй байдлыг намжаахын тулд жагсаал зохион байгуулагчидтай уулзсаны дараа цалингийн доод хэмжээг нэмж, татварын асуудалд хүлээцтэй хандахаа амласан байна. Төрийн тэргүүн дараах өөрчлөлтүүдийг он гараад хэрэгжүүлнэ гэлээ.

-       2019 оноос эхлэн хөдөлмөрийн хөлсний доод хэмжээг долоон хувиар буюу 100 еврогоор нэмнэ.

-       Тэтгэмж авдаг иргэдэд зориулж түлш, шатахууны татварыг нэмэх шийдвэрээ буцаав.

-       Оны эцэст өгдөг урамшууллын цалингаас татвар авахгүй.

-       Тэтгэмжээр амь зуудаг иргэдийн ачааг хөнгөлөх.

 

 

Ерөнхийлөгч Макрон эдгээр дөрвөн үндсэн өөрлөлтийг танилцуулсан боловч жагсаал хөдлөгөөний үеэр эмх замбараагүй байдал үүсгэж, үймээн самуун дэгдээсэн тохиолдлыг шүүмжилж байсан юм. Аялагч жуулчдын хамгийн их очдог газрууд хаалгаа барьж, гудамж талбайд машин тэрэг шатааж бусдын өмчид халдсан тохиолдол гарсан.

Үнэн хэрэгтээ Макронд шар хантаазтай жагсагчдад бууж өгөхөөс өөр байгаагүй. Ерөнхийлөгчийн амласан цалингийн доод хэмжээг нэмэх нь ажил олгогчдоос илүү Засгийн газарт алдагдалтай гэж улс төрчид үзэж байна. Цалингийн доод хэмжээг долоон хувиар нэмснээр 8-10 тэрбум еврогийн алдагдал гарна гэжээ.

Шатахууны татварыг нэмэх шийдвэрийг эсэргүүцсэн жагсаал Засгийн газрын үйл ажиллагааг бүхэлд нь шүүмжилсэн хөдлөгөөн болж хүрээгээ тэлсэн. Жагсагчид зөвхөн улс төрчдийн амлалтыг хүсээгүй. Тэд ард иргэдийн халааснаас хулгай хийлгүй бодит арга хэмжээ авч хэрэгжүүлэхийг уйгагүй шаардсан юм.

 

 

Эх сурвалж: www.bbc.com  

---