Цахим сүлжээнд “Vandebo” хамтлагийн дуучин Б.Эрдэнэболд буюу Эбо, артист 113 нар нарыг Цагдаагийн байгууллагаас баривчилж байж болзошгүй бичлэг цацагдсан.

Энэ талаар ЦЕГ-аас тодруулахад “Цагдаагийн байгууллагаас дээрх уран бүтээлчдийг баривчилсан, шалгасан зүйл байхгүй” гэх тайлбарыг өгсөн юм.

Тэгвэл тус бичлэгийн талаар “Vandebo” хамтлагийн дуучин Эбо “Киноны зураг авалтын хэсгээс бусдад алдагдсан бичлэг олон нийтэд хүрч төөрөгдөл үүсгэжээ. Та бүхнээс хүлцэл өчье” хэмээн цахим хуудаснаа тайлбар оруулжээ.

Тун удахгүй Эбо ,113 болон бусад хамтлаг дуучдын хамтран бүтээж байгаа кино удахгүй сонсогч фенүүдийн хүртээл болох юм байна.

---