УИХ-ын дарга Д.Амарбаясгалан парламентын дарга нарын дэлхийн 6-р бага хуралд оролцож байна.

Швейцарын Холбооны Улсын Женев хотноо Парламентын дарга нарын дэлхийн 6-р бага хурал өчигдөр (2025.07.29) эхэллээ. Тус бага хуралд Монгол Улсаа төлөөлөн Улсын Их Хурлын дарга Д.Амарбаясгалан, Улсын Их Хурлын гишүүн Ж.Бат-Эрдэнэ, Ц.Сандаг-Очир, А.Ариунзаяа, Х.Баасанжаргал, Г.Ганбаатар нар оролцож байна.

Монгол Улсын Их Хурлын дарга Д.Амарбаясгаланг ОУПХ-ны Ерөнхийлөгч Тулиа Аксон, Ерөнхий нарийн бичгийн дарга Мартин Чунгон, НҮБ-ын Женев дэх төвийн захирал Татьяна Валовая, НҮБ-ын Ажлын албаны дарга Өөрл К.Рэттрэй нар угтан, мэндчиллээ.

Энэ удаагийн Парламентын дарга Монгол Улсын Их Хурлын дарга Д.Амарбаясгалан үг хэлнэ. Тэрбээр бага хурлын ерөнхий хэлэлцүүлэг болох “Хямралт дэлхий: Хүн бүрд энх тайван, шударга ёсыг түгээх парламентын хамтын ажиллагаа ба олон талт байдал” сэдвээр илтгэл тавих юм.

---