Баянхонгор аймаг, Өлзийт сум 4 дүгээр багийн “Бай хөндий” гэдэг газар "Суудлын автомашин автозамын хажуу руу унаж нэг хүүхэд дарагдсан" гэсэн дуудлагыг долоодугаар сарын 28-ны өдрийн 12:08 цагт ОБЕГ хүлээн авчээ.

Дуудлагын дагуу тус аймгийн Онцгой байдлын газрын Эрэн хайх, аврах бүлгийн алба хаагчдыг очиход иргэн О-ийн “Nissan Juke” загварын суудлын автомашин автозамын хажуу тал руу осолдож М /15 настай, эмэгтэй/ суудлын хооронд хавчуулагдсан байсныг ажиллан эсэн мэнд гаргаж, сумын Эрүүл мэндийн төвд хүлээлгэн өгчээ.

---