📌БАГАХАНГАЙ-ХӨШГИЙН ХӨНДИЙ: Монгол Улсын Засгийн газрын гишүүн, Зам, тээврийн сайд Б.Дэлгэрсайхан өнөөдөр (2025.07.14) Ажлын хэсгийн хамт “Багахангай-Хөшигийн хөндий” чиглэлийн салбар төмөр зам барих төслийн барилгын ажлын явцтай биечлэн танилцлаа.

📌Энэхүү шинээр баригдаж буй “Багахангай-Хөшигийн хөндий” чиглэлийн салбар төмөр зам нь “Улаанбаатар төмөр зам” ХНН-ийн “Багахангай” өртөөнөөс салбарлан Төв аймгийн Сэргэлэн сумын урдуур болон мөн ”Чингис хаан” Олон Улсын нисэх онгоцны буудлын урдуур чиглэн Хөшигийн хөндийд төлөвлөгдөж буй ачаа тээврийн гол зангилаа болох “Тээвэр логистикийн бүс” хүрэх төмөр замын салаа зам юм.

📌Төмөр замын шугам нь нийт 102 км урт дан замтай, 2 өртөө, 4 зөрлөгтэй, 2,5 км урт орчим гүүрэн байгууламжтай байхаар төлөвлөгдөж байгаа бөгөөд төмөр замын барилгын ажлыг дотоодын 70 орчим ААН, компаниуд уртгасан цагаар буюу 24 цагаар хийж гүйцэтгэж байна.

📌Энэ удаагийн төсөлд дан дотоодын ААН буюу 100 хувь монгол компаниудыг ажлын байраар хангаж байгааг инженер техникийн ажилтнууд онцолж байлаа.

📌Төмөр замын ажлын явц одоогоор нийт 651.1 у/м дам нуруут гүүрийн ажил 37 хувийн гүйцэтгэлтэй, далан байгуулах ажил 14.2 хувь, газар шорооны ажил буюу ухмал байгуулах ажил 34.3 хувийн гүйцэтгэлтэй, бүх ажил төлөвлөгөөт графикийн дагуу явж байгааг төслийг хэрэгжүүлэгч байгууллага буюу “Монголын Төмөр Зам” ТӨХК-ийн удирдлагууд хэлж байна.

ДЭЛГЭРЭНГҮЙГ: https://mrt.gov.mn/i/4663

---