“Иргэний нисэхийн үндэсний төв” ТӨХХК Сингапур Улсын SP Engineering-тэй хамтран “Аэродром, Ойртолтын нислэгийн хөдөлгөөний удирдлагын дадлагажуур”-ын шинэчлэлтийн ажлыг амжилттай хэрэгжүүлж, орчин үеийн шаардлагад нийцсэн сургалтын системийг хүлээн авч, өнөөдөр буюу 2025 оны 06 дугаар сарын 26-ны өдөр нээлтийн ёслолоо хийлээ.

Энэхүү шинэчлэл нь зөвхөн анхан шатны сургалтад бус, нислэгийн удирдагчдын давтан сургалт, онцгой нөхцөл байдлын бэлэн байдлын бэлтгэл, ажлын байрны дадлагын өмнөх сургалтад өргөн хүрээтэйгээр ашиглагдах боломжийг бүрдүүлж байгаа бөгөөд энэ нь Монгол Улсад нислэгийн хөдөлгөөний удирдагч бэлтгэх чадамжийг олон улсын түвшинд ахиулах чухал алхам болж байна.

---