“Эмэгтэйчүүд гудамж талбайд зодолдож байна” гэх бичлэг цахим орчинд зургаадугаар сарын 22-ны шөнө нийтлэгдсэн.

Тус үйл явдал нь Баянгол дүүргийн нутаг дэвсгэрт болсон бөгөөд иргэн Г бусдын биед халдаж, зодсон нь тогтоогджээ. Цагдаагийн байгууллага уг зөрчлийг шалган, Зөрчлийн тухай хуулийн 5.3 дугаар зүйлийн дагуу 100 нэгж буюу 100 мянган төгрөгийн торгууль ногдуулсан байна.

Энэ оны эхний хагас жилд нийтдээ 9397 иргэн бусдын биед зүй бусаар халдсан зөрчилд шалгагдаж, зохих хариуцлагыг хүлээжээ. 

---