Жүжигчин Р.Анхням өнөөдөр Монгол Улсын Гавьяат жүжигчин боллоо. Тэрбээр 2008 оноос гадны кино төслүүдэд тоглож эхэлсэн ба "Сайн тоглож, эх орныхоо нэрийг гаргасан гэж надад энэ нэр хүндтэй шагналыг өгч байгаа юм байна" хэмээн ярьж байлаа. 

МУГЖ Р.Анхням: 

-Би жүжигчин болоод 25 жил болж байгаа юм билээ. 

Бор зүрхээрээ гэдэг шиг 2008 оноос гадны төсөл, кинонуудад тоглож эхэлсэн. Сайн тоглож, эх орныхоо нэрийг гаргасан гэж надад МУГЖ хэмээх эрхэм цолыг хайрлаж байна хэмээн ойлгож байна. 

Энэ жил Монгол Улсад кино урлаг үүссэний 90 жилийн ой тохиож байна. Энэ ойн өдөр энэ шагналыг авсандаа талархаж байна. 

Юуны өмнө намайг өдий зэрэгт хүргэсэн СУИС-ийн багш нартаа талархаж байна. АЖ Л.Чаминчулуун, АЖ Н.Ганхуяг, УГЗ С.Сугар багш нартаа талархаж байна. Хамтран уран бүтээл хийдэг уран бүтээлчдэдээ, миний уран бүтээлийг үздэг үзэгчдэдээ талархаж байна... 

---