СПОРТ
ХӨГЖИМ
™ watch
Технологи | 2025-07-07

ЦХИХХ-ны сайд Э.Батшугар “И-Монгол академи” УТҮГ -ын үйл ажиллагаатай танилцав

Нийтэлсэн
14 цагийн өмнө


Сурталчилгаа
Нийтэлсэн:   Admin
14 цагийн өмнө

Цахим хөгжил, инновац, харилцаа холбооны сайд Э.Батшугар шинээр томилогдсонтой холбогдуулан яамны харьяа болон салбарын байгууллагуудын үйл ажиллагаатай шат дараатай танилцах уулзалтуудыг зохион байгуулж байгаа билээ.

Энэ хүрээнд өнөөдөр, 2025 оны 7 дугаар сарын 7-ны өдөр ЦХИХХ-ны сайд Э.Батшугар “И-Монгол академи” УТҮГ -ын үйл ажиллагаатай танилцаж, удирдлага болон албан хаагчидтай уулзалт хийлээ.

Уулзалтад ЦХИХХ-ны сайд Э.Батшугарын хамт яамны албаны төлөөллүүд, “И-Монгол академи” УТҮГ-ын захирал Б.Мягмарнаран, газар хэлтсийн дарга нар болон холбогдох ажилтнууд оролцож, байгууллагын өнөөгийн үйл ажиллагаа, хэрэгжүүлж буй төсөл хөтөлбөрүүд, цаашдын зорилт, хөгжлийн төлөвлөгөөний талаар дэлгэрэнгүй санал солилцлоо.

Сайд Э.Батшугар уулзалтын үеэр “И-Монгол академи” УТҮГ нь төрийн цахим үйлчилгээний хүртээмжийг нэмэгдүүлэх, иргэн төвтэй цахим засаглалын хөгжилд бодит хувь нэмэр оруулж буйг онцолж, цаашид олон улсын жишигт нийцсэн, мэдээллийн аюулгүй байдлыг бүрэн хангасан, хүн бүрд хүртээмжтэй, ашиглахад хялбар, дэвшилтэт технологид суурилсан төрийн цахим үйлчилгээг хөгжүүлэхэд анхаарч, энэ чиглэлээр тогтвортой хамтран ажиллахыг байгууллагын удирдлагад чиглэл болгож, дэмжлэг үзүүлэн ажиллахаа илэрхийлэв.

Тус уулзалт нь төрийн цахим шилжилтийн бодлогыг хэрэгжүүлэгч гол байгууллагын хувьд “И-Монгол академи” УТҮГ-ын цаашдын үйл ажиллагааг улам эрчимжүүлэх, төрийн байгууллагуудын уялдаа холбоог сайжруулах, шинэ санаачилгуудыг бодит ажил болгон хэрэгжүүлэхэд чухал түлхэц болж байна.

Сурталчилгаа


Сэтгэгдэл (1)

Уншигч та сэтгэгдэл бичихдээ бусдын нэр төрд халдахгүй, ёс бус, бүдүүлэг үг хэллэг ашиглахгүй
байж, өөрийн болоод хүний үзэл бодлыг хүндэтгэнэ үү.

Зочин
9 цагийн өмнө
116.206.83.106

ДАНДАА КОД НЭХЭЭД КОДОО ОРУУЛЧИХААД БАЙХАД. МАШ ТӨВӨГТЭЙ. ТАТВАРЫН E TAX ТАМ ЯМАР БАЙДАГ БОЛ ГЭВЭЛ ТЭР Л БАЙХ. НАСТАЙ ХҮМҮҮС БОЛ ЗҮРХНИЙ ШИГДЭЭСТЭЙ БОЛЖХАРВАЖ ҮХНЭ. УЧРАЛ ГЭДЭГ НЭГ ЮМНЫ ХИЙСЭН СИСТЕМ НЬ ЁСТОЙ ХҮНИЙ ТЭВЧЭЭР ШАЛГАСАН ТАМ . САЙН ПРОГРАММИСТ АЖЛУУЛААЧ. УЧРАЛ БОЛ ЯМАР ЮМНЫ ПРОГРАММИСТ БАЙХАВ ДЭЭ. НОЛЬ СУРЛАГТАН. ӨӨРӨӨ ЯМАР Ч ОЙЛГОЛТГҮЙ ХҮН БУСДЫН САЙН МУУГ ЯАЖ ДҮГНЭХ ВЭ ДЭЭ.

© 2019 livetv.mn. Бүх эрх хуулиар хамгаалагдсан.
Мэдээлэл хуулбарлах хориотой.