Халдварт өвчин судлалын үндэсний төвөөс улаанбурхан өвчний нөхцөл байдлын талаар мэдээлэл өглөө. Өнөөдөр буюу 2025 оны долоодугаар сарын гуравны байдлаар нийт улаанбурхан өвчний лабораториор батлагдсан тохиолдол 11338-д хүрчээ.

Эдгээр иргэдийн 609 нь эмнэлэгт хэвтэн эмчлүүлж байгаа бол 902 нь гэрээр эмчлүүлж байна. Өнөөдрийн байдлаар эдгэрсэн тохиолдлын 9820 болжээ. Хавьтлын тоо 75657-оос 89855 болж нэмэгдсэн бол нас баралт долоо байна.

Насны бүлгээр өвчлөл хамгийн өндөр байгаа нь 10-14 насны хүүхдүүд бөгөөд тэдний өвчлөл 4576-д хүрсэн байна. Мөн 0-4 насны 2303, 5-9 насны 1455 хүүхэд улаанбурханаар өвджээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Эрүүл мэндийнхээ төлөө иргэн бүр хариуцлагатай байж, халдвараас сэргийлцгээе.

---