"Хүнд зориулж байгуулсан байсан дөрвөн байнгын хороог татан буулгалаа" гэж УИХ-ын дэд дарга Б.Пүрэвдорж хэллээ. 

УИХ-ын дэд дарга Б.Пүрэвдорж:

-Дөрвөн байнгын хороог хүнд зориулж байгуулж байсан. Тухайлбал, Дархан аварга Б.Бат-Эрдэнэд Ёс зүй, сахилга хариуцлагын байнгын хороо, Б.Чойжилсүрэнд Аж үйлдвэржилтийн байнгын хороо, П.Анужин, М.Оюунчимэг хоёрт боловсрол, нийгмийн бодлогын байнгын хороог өгч байсан. Өнгөрсөн гучин жилд долоон байнгын хороотой байж ирсэн. Өргөдлийн байнгын хороог байгуулах нь зүйтэй гэж үзэж байгаа.

Төсвийн орлого буурах эрсдэлтэй гэдгийг би өмнө нь сануулж хэлж байсан. "Зүгээр ээ" л гээд байсан. Орлого буурч байгаа тохиолдолд төсвөө тодотгох нь зөв. Зарлагаа хэмнэж байгаа нь зөв. ТӨҮГ-уудын ашигт үйл ажиллагааг сайжруулах ёстой. 

Монголбанкны ерөнхийлөгчид албан бичиг хүргүүлсэн. Мөнгөний бодлогын хороог ээлжит бусаар хуралдуулах боломжтой байдаг. Ахмадын зээлийг хуучнаар нь шийдвэрлэхийг хүссэн байгаа гэв. 

---