Хөдөлмөр хамгаалал, аюулгүй байдлын наад захын шаардлагыг хангадаггүй, хяналт тавих ёстой инженерүүд нь үүргээ зохих ёсоор биелүүлдэггүйгээс хүний амь, эрүүл мэнд хохирсоор байна. Тухайлбал, өнгөрсөн ням гарагт Орхон аймагт ийм хэрэг гарч, нэг иргэн амиа алджээ.

Тус аймгийн Баян-Өндөр сумын Говил багт үйл ажиллагаа явуулдаг хаягдал төмөр авах цэгийн талбайд ажиллаж байсан 53 настай Ү вагонд төмөр ачиж байгаад унаж нас барсан гэнэ. Орхон аймгийн Цагдаагийн газрынхан энэ хэргийг шалгаж буй бөгөөд осол гаднын ямар нэг нөлөөгүй, тухайн иргэн хөл алдаж унасан хэмээн үзэж буй аж. 

---