"Халзан Бүрэгтэй" төслийг ашиглаад эхэлбэл Ховд аймаг Өмнөговь аймаг шиг хөгжинө гэж бодож байгаа. Энэ төслийн олборлох хэсэг нь ч тодорхойгүй. Очоод суралцъя гэхэд зөвшөөрдөггүй. Тэмцлийн хурц хэлбэртэй байгаад байдаг. Бид нүүрснээс хараат бус эдийн засгаа тэлэхийн тулд чухал ашигт малтмалын талаарх бодлогыг дэмжиж явуулах ёстой" гэж УИХ-ын гишүүн Б.Уянга хэллээ.

УИХ-ын гишүүн Б.Уянга:

-Манай улс таван төрлийн бараа зардаг дэлгүүр шиг байна. Тодруулбал, Нүүрс, зэсийн баяжмал, төмрийн хүдэр, жонш, алт голлож байна. Урд хөршөөсөө хамааралтай. Төрөлжүүлэх талаар оролдож байна. Ховд аймгийн Халзан Бүрэгтэй төслийг яримаар байна. Таван бүтээгдэхүүний зургаа болгоё гэдэг. Гэтэл тэмцлийн хурц хэлбэртэй байгаад байдаг. Энэ төслийн олборлох хэсэг нь ч тодорхойгүй. Дэд бүтэц, эрчим хүч нь байхгүй. Очоод суралцъя гэхэд зөвшөөрдөггүй. Уул нь ашиглаад эхэлбэл Ховд аймаг Өмнөговь аймаг шиг хөгжинө гэж бодож байгаа. Уул уурхайн салбараа дагаад л хөгждөг. Ширээний ард суумаар байх юм. Уул уурхайг дэмждэг аймгийн төсвийг мөнгийг уул уурхайг огт дэмждэггүй газар руу өгдгийг дэмжмээргүй байгаа юм. Бид нүүрснээс хараат бус эдийн засгаа тэлэхийн тулд чухал ашигт малтмалын талаарх бодлогыг дэмжиж явуулах ёстой. Иймд УИХ-ын гишүүдээс бүрдсэн критикал минерал буюу чухал ашигт малтмалын талаарх бодлого тодорхойлох, эрхзүйн орчин бүрдүүлэх дэмжих бүлгийг байгуулж байгаа гэдгээ хэлмээр байна. 

УИХ-ын дарга Д.Амарбаясгалан: 

-Б.Уянга гишүүний санаачилж байгаа энэ төсөл их хэрэгтэй төсөл шиг санагдсан. Гишүүд төсөлтэй танилцаад хамтдаа өргөн баривал намрын чуулганаар хэлэлцүүлэх боломжтой гэж харж байгаа. Хэлэлцүүлэг зохион байгуулаад явах хэрэгтэй гэв.

---