Засгийн газрын хуралдааны шийдвэрийг танилцуулж байна.

ЗГХЭГ-ын дарга С.Бямбацогт:

-Засгийн газрын бүрэлдэхүүний тухай хуульд өөрчлөлт оруулах тухай хуулийн төсөл болон дагалдах хууль тогтоомжийн төслийг өргөн барилаа. 3асгийн газрын бүрэлдэхүүний тухай хуульд өөрчлөлт оруулах буюу тус хуулийн 1 дүгээр зүйлд заасан Монгол Улсын 3асгийн газрын гишүүн-Монгол Улсын сайд, Хяналт, үнэлгээний Үндэсний хорооны дарга, Монгол Улсын 3асгийн газрын гишүүн-Монгол Улсын сайд, Боомтын сэргэлтийн Үндэсний хорооны дарга, Монгол Улсын 3асгийн газрын гишүүн-Монгол Улсын сайд, 20 минутын хот Үндэсний хорооны даргатай холбоотой хэсгийг тус тус хүчингүй болгохоор хуулийн төсөлд тусгасан.

Түүнчлэн төрийн данхгар бүтцийг бууруулах ажлыг Засгийн газар өөрсдөөсөө эхэлж байна. Яамдын бүтцийг цөөлнө. Тухайлбал 1900 албан хаагч байгаа. Үүнийг 20 орчим хувиар бууруулна. Түүнчлэн төрийн байгууллага, агентлаг, ТӨХК-ийн ажилчдыг тоо бууруулна. Мөн 60 гаруй үндэсний хороо байгаа үнийг 50 хувь бууруулна. 

Хоёрдугаарт, 2019 онд Үндсэн хуулийн өөрчлөлт хийсэн. Байгалийн баялгийн өгөөжийг одоо ба ирээдүйн иргэддээ тэгш, шударгаар өвлүүлэх, эзэмшүүлэх, ашиглах асуудлыг шийдэж байсан. Үүнтэй холбоотойгоор 2024 онд Баялгийн сангийн тухай хуулийг баталсан. Энэ хуулийн хэрэгжилтийг хангах, илүү бодитой болгох зорилгоор стратегийн ач холбогдол бүхий ордын тодорхой хувийг төр эзэмшиж, ард иргэдэд хүртээх асуудлыг шийдвэрлэж эхэлж байгаа. Засгийн газрын БЭТ-өөр Ж.Батзандан ажиллаж байгаа. Мөн Н.Учралаар ахлуулсан ажлын хэсэг байгуулагдсан. Эдгээрийн үр дүнг харъя, алдаа оноо байвал засаж залруулъя, хурдавчлуулъя гэж ажлын хэсэг байгууллаа. Тодруулбал, Засгийн газрын БЭТ, ЗГХЭГ-ын даргаар ахлуулсан давхардсан бүтцүүдийг нэгдмэл болгож, ЗГХЭГ-ын дэд даргаар ахлуулсан ажлын хэсэг байгуулахаар болсон гэв. 

---