Сонгинохайрхан дүүргийн хөлбөмбөгийн талбай бүхий спорт цогцолборын ажил 90 хувийн гүйцэтгэлтэй үргэлжилж байна.

Улсын төсвийн хөрөнгө оруулалтаар дүүргийн 3 дугаар хорооны 21000м2 талбайд задгай спорт цогцолбор байгуулах ажил 2022 онд эхэлжээ. 2021 онд зураг төсөв боловсруулах ажил хийгдэж, 2022 онд газар чөлөөлөлтийн ажил эхэлсэн байдаг. Нийт 24 айлын газрыг чөлөөлж, талбайг түрж тэгшилжээ. 
Тус газарт:

• 95х45 хэмжээтэй хөлбөмбөгийн талбай
• 3х3 сагсан бөмбөгийн талбай
• 5х5 сагсан бөмбөгийн талбай 2 ширхэг
• Газрын теннисний талбай 2 ширхэг
• 6 эгнээ гүйлтийн зам
• Хүүхдийн тоглоомын талбай, бялдаржуулах талбай, гэрэлтүүлэг, ногоон байгууламжийн ажлууд хийгдэж 90 хувийн гүйцэтгэлтэй үргэлжилж байна.

Гүйцэтгэгч байгууллагаар "Аглуут" ХХК ажиллаж байгаа. Улаанбаатар хотын хоёр дахь том цогцолбор ийнхүү Сонгинохайрхан дүүрэгт баригдаж ашиглалтад ороход бэлэн болжээ. 

---