Нийслэлийн засаг дарга Х.Нямбаатар цаг үеийн зарим асуудлаар мэдээлэл өгөв. 

Нийслэлийн засаг дарга бөгөөд Улаанбаатар хотын захирагч Х.Нямбаатар:

-Улсын төсөв тодотгосонтой холбоотойгоор төрийн албан хаагчийг 9 орчим хувиар цомтгоно гэж тооцоолсон. Нийслэлийн төсөв тодотгох хэмжээнд тасалдаагүй. Нийслэлийн хэмжээний мега төслийн дийлэнхийг төрийн хувийн хэвшлийн түншлэлээр хийж байгаа. Иймд төсөв дээр дарамт ирэхгүй. Одоо бид баталгааны асуудлаа шийдэх гурван төсөл байна. Гадаад дотоод уулзалтыг хийгээд явж байна. Тойрог зам ашиглалтад орсноор түгжрэлийг 50 хувиар бууруулна гэдэг тооцоолол байгаа.

Долоодугаар сард ТЭЦ V-ийн тендер нээгдэнэ. Бидний хамгийн том төсөл. Төр хувийн хэвшлийн түншлэлээр явагдахаар тендерээ зарласан. Дөрвөн аж ахуй нэгжийн материалыг авсан. Амралтын өдрүүдэд барилга барих талбай дээр очиж ажилласан.

Энэ жилийн 12 сарын таван гэхэд нийт эрчим хүчний суурилагдсан хүчин чадал 350 МВт болж байгаа. Бөөрөлжүүт графикаа дагуу ашиглалтад орно. Эрчим хүчний дутагдалд орохгүй.
Харин дулааны асуудал эрсдэлтэй байна. Учир нь ТЭЦ III-ын шатсан есдүгээр турбины зуух нь бүтэн шатаагүй. Иймд технологийн горимын хувьд өөрчлөлт оруулаад халуун усаа эргүүлэх горимдоо шилжье гэж байгаа. Үүний дараа турбин генератор захиалах, тендерээ зарлая гэдэг асуудал яригдаад явж байна.

Энэ жил сайжруулсан түлш түлэхгүй. Хагас кокс түлнэ. Шууд худалдан авалт хийгдэнэ. Харин үлдсэн айлуудаа дулаалъя гэхээр тодотгол дээр бидний өнгөрсөн жилийн босгох ёстой бондын 200 тэрбум төгрөгийг улсын төсөв батлахдаа хассан. Бондын эргэн төлөлт хэвийн үргэлжилж байгаа. 2027 он гэхэд гадаад, дотоод бүх бондоо төлж дуусгахаар байна. Харин бид дутуу 200 тэрбум төгрөгөө авч байж айл өрхүүдээ дулаалах, хийн болон цахилгаан халаагуурт шилжих ажлуудаа хийх гээд л явж байна. Улс төр тогтворгүй байгаагаас шалтгаалаад бүх ажлууд ингээд хойшлоод байна гэв.

---