Ерөнхий сайдыг томилох асуудлыг байнгын хороогоор хэлэлцэж эхэллээ.

УИХ-ын гишүүн, ИЗНН-ын дарга Б.Батбаатар:

-Ерөнхий сайдад хүн нэр дэвшүүлэх эрх зөвхөн МАН-д байгаа. Шинэ засгийн газар ямар шийдлийг санал болгосон нэртэй Засгийн газар байх вэ?

Ерөнхий сайдад нэр дэвшигч Г.Занданшатар:

-Монгол Улсын засгийн газар байна. "Муур хар юм уу цагаан байх нь гол биш. Хамгийн гол нь хулгана барьдаг байх ёстой" гэдэг үг байдаг. Ямар нэртэй байна гэхээсээ илүүтэйгээр ард түмнийхээ аж амьдралд бодитой үр өгөөж өгсөн, иргэддээ ээлтэй засгийн газар байна. Эдийн засгийн өсөлтийн үр өгөөжийг ард түмэндээ хүргэсэн засгийн газар байна. Нэршил бүтэц бүрэлдэхүүнээ УИХ-д танилцуулах үеэрээ дэлгэрэнгүй танилцуулъя гэв. 

---