Булган аймгийн Сэлэнгэ суманд энэ сарын 8-нд гарсан ойн түймрийг өнөөдөр /2025.06.10/ 09:00 цагт бүрэн унтраажээ.

Тодруулбал, Булган аймаг, Сэлэнгэ сум Сангалтай багийн "Хандгайтын зүүн тарвагатай " гэдэг газар ойн гал түймэр гарсан тухай дуудлагыг онцгой байдлын алба зургаадугаар сарын 8-ны өдрийн 18:03 цагт хүлээн авчээ.

Тус аймгийн Онцгой байдлын газрын Хангал сум дахь 50 дугаар анги, Хилийн цэргийн 0243 дугаар ангийн 0281 дүгээр салбарын алба хаагчид ойн гал түймрийг унтраах ажлыг зохион байгуулан ажиллаж зургаадугаар сарын 9-ний өдрийн 13:40 цагт цурамд оруулж, өнжмөл өвс, унанги ихтэй хэсэгт цэвэрлэгээ хийж байсан юм. Тэгвэл тус ойн түймрийг өнөөдөр /2025.06.10/ 09:00 цагт бүрэн унтраажээ

---