МАН-ын Удирдах зөвлөлийн 100 хувийн саналаар Ерөнхийлөгчийн тамгын газрын дарга Г.Занданшатарыг Ерөнхий сайдад дэмжжээ. 

УИХ-ын гишүүн асан Ч.Хүрэлбаатар:

-Монгол ардын намын эв нэгдлийг хангах хүний нэрийг нэр дэвшүүлэх нь зүйтэй гэж үзээд УИХ-ын даргаар ажиллаж байсан, одоо Ерөнхийлөгчийн тамгын газрын дарга Г.Занданшатарыг Монгол Улсын ерөнхий сайдад Удирдах зөвлөлийн 100 хувийн саналаар дэмжлээ. Одоо Бага хурал хуралдана. Заалнаас нэр дэвшигч гарч ирж болно. Энэ нь нээлттэй.

Дараагийн засгийн газар эдгээр асуудал дээр хамгийн түрүүнд ажиллах шаардлагатай. Тодруулбал, төсвийн орлого биелэхгүй байна. Ингэхээр улсын төсвөөр хийж хэрэгжүүлэх ажлууд хэрэгжихгүй. Нэлээд хэмжээний зээл авах шаардлагатай байгаа. Ингэхээр улсын төсвөө яах вэ гэдэг асуудал яригдаж эхэлнэ. Түүнчлэн валютын нөөц тасралтгүй буурч байна. Үүн дээр анхаарч ажиллах шаардлагатай. Засгийн газрын бүтцийг багасгаж, бүтээмжийн менежер гэх албан тушаалтнуудыг болих хэрэгтэй.

Дараагийн засгийн газрын гишүүдийг сонгох нь ерөнхий сайдын бүрэн эрхийн асуудал. Бага хурлын дараа энэ асуудал яригдах байх. Хэдэн сарын настай засгийн газар байх вэ гэдэг нь өөрсдөөс нь шалтгаална гэв. 

---