"Иргэдээсээ итгэл, сэтгэл авсан хүн Ерөнхий сайд болох хэрэгтэй. УИХ-ын сонгуульд тойргоос нэр дэвшээд гарч ирээгүй хүн ерөнхий сайдад нэр дэвшихгүй байлгүй дээ" гэж УИХ-ын гишүүн, ТБХ-ны дарга Ц.Даваасүрэн хэллээ. 

УИХ-ын гишүүн, Төсвийн байнгын хорооны дарга Ц.Даваасүрэн:

-Нэг удаа орж ирчихээд ерөнхий сайд болно гэж байгаа хүмүүсийг харахаар нүүр улайгаад байх юм.

Хүлээн зөвшөөрөгдөнө гэдэг чинь цаг хугацааны асуудал. УИХ-ын сонгуульд тойргоос нэр дэвшээд гарч ирээгүй хүн ерөнхий сайдад нэр дэвшихгүй байлгүй дээ. Ерөнхий сайд хүн ард түмний итгэл, сэтгэл хүлээсэн хүн байх хэрэгтэй. Ард түмний найдварыг тээсэн тийм хүн байх хэрэгтэй. Удирдах зөвлөлөөр Бага хурлын тов л ярина. Тэрнээс нэр дэвшигчийн асуудал ярихгүй.

Ер нь бол сайд хүн гэдэг нь тухайн салбартаа хүлээн зөвшөөрөгдсөн хүн байх ёстой. Тухайн салбарынхаа шийдвэрийг гаргаж чаддаг хүн байх ёстой. Мэргэжилтний бодлогоор салбар явж байгаа нь бидний хөгжихгүй байгаа нэг шалтгаан.

Бид Үндсэн хуулиа европын улсууд шиг хамтарсан засгийн газар байгуулахаас өөр аргагүй болгоод өөрчилчихсөн. Тийм учраас би үүнийг эсэргүүцэж байсан. Одоо ингээд цаг хугацаа харуулж байна гэв. 

---