"УИХ-ын гишүүд байнгын хорооны хуралдаа идэвхтэй оролцох шаардлагатай байна. Хуулийн нэг заалт нэг гишүүнд таалагдаагүйгээс болоод бүхэл бүтэн нэг хууль УИХ-ын чуулганы хуралдаанд орох боломж хангагдахгүй байна" гэж УИХ-ын дарга Д.Амарбаясгалан хэллээ. 

УИХ-ын дарга Д.Амарбаясгалан:

-УИХ-ын гишүүд байнгын хорооны хуралдаа идэвхтэй оролцох шаардлагатай байна.

Байнгын хороонд орж ирсэн асуудлыг УИХ-аар хэлэлцэхэд анхаармаар байна. Байнгын хорооноос нэг хуулийн төслийн хэлэлцэх асуудлыг ажлын хэсэгт гурван удаа буцаасан байна. Нэг хоёрхон заалт дээр гишүүд хоорондоо маргалдаад, гишүүд хоорондоо "ацаг" тавиад асуудлыг хэлэлцэхээс хойш тавьж байгаа тохиолдол гарч байна. Иймд хуулийн төсөл дээр зөвшилцлийн арга замаар шийдвэрлэхийг хүсэж байна. 

Хуулийн нэг заалт нэг гишүүнд таалагдаагүйгээс болоод бүхэл бүтэн нэг хууль УИХ-ын чуулганы хуралдаанд орох боломж хангагдахгүй байна. Гишүүд маань үүнд анхаарал хандуулахгүй бол УИХ-ын үйл ажиллагаанд саатал учрах эрсдэлтэй байна гэв. 

---