Улсын дээд шүүх П.Батчулуун эмчийн хэргийг хаалттай хэлэлцэж, цагаатгаж шийдвэрлэжээ.

Монголын мэс заслын холбооны дэд ерөнхийлөгч, Монгол Улсын Гавьяат эмч О.Сэргэлэн:

-Улсын дээд шүүхээс цагаатгаж шийдвэрлэсэнд маш их баяртай байна.

Монголын шүүх засаглал үнэн зөв шийдвэр гаргалаа. Монголын анагаах ухааны салбарын хөгжлийг тодорхойлж, дэлхийд үнэлэгдэж байгаа нэг том салбар нь эрхтэн шилжүүлэн суулгах салбар. Өнөөдрийн энэхүү шийдвэр нь Монгол Улсын эрүүл мэндийн салбарын дэлхийд хэрхэн харагдуулах вэ гэдгийг шийдэх байсан. Үүнээс гадна эрүүл мэндийн салбарт ажиллаж байгаа мянга мянган эмч нарт урам өгсөн зүйл болж байна. Цаашдаа илүү зоригтой ажил албаа гүйцэтгэх урмыг өгсөн шийдвэр боллоо.

Энэ ганц шийдвэрийн ард олон мянган амь нас нь эрсдэлд орсон үйлчлүүлэгчид маань байсан. Одоо эдгээр үйлчлүүлэгчдэдээ үйлчилгээ үзүүлэх боломж бүрдэж байгаад баяртай байна. Энэ бүхний ард гарч чадсан бүх хүмүүстээ баярлалаа. Эрхтэн шилжүүлэн суулгах салбар маань шинэ салбар. Бидэнд хууль, журам дээрээ анхаарах олон асуудал байгаа гэдгийг харууллаа. Энэ тал дээр анхаарч ажиллана гэв. 

---